1945 онд Еврей ард түмнийг Германы фашистууд хоморголон хядаж байх үед 15 насандаа хорих лагерт амь үрэгдсэн Анна Франк охины өдрийн тэмдэглэлийг хожим ном болгон гаргасан нь шуугиан тарьсан билээ. Уг ном өнөөг хүртэл эрэлттэй номуудын жагсаалтад багтдаг.

Анна Франкын хамаатнууд 2012 онд түүний эдэлж хэрэглэж байсан зүйлсийг Франкфурт дахь Еврейчүүдийн музейд хүлээлгэн өгсөн юм. Харин түүний алдарт өдрийн тэмдэглэл Амстердам дахь “Anne Frank House” гэр музейд хадгалагдаж байна.

Тэгвэл уг өдөр тутмын амьдралаа бичиж байсан уг түүхэн тэмдэглэлээс шинээр хоёр хуудсыг илрүүлсэн талаар “Ройтерс” агентлаг мэдээллээ.

Дэвтэрний сүүлийн хоёр хуудас дээр бор өнгийн цаас наажээ.

Мэргэжилтнүүд энэхүү нууцалсан хоёр цаасны дор бэлгийн амьдрал болон биеэ үнэлэгчдийн талаар Аннагийн бичсэн хэд хэдэн мөртийг тогтоосон байна.

Анна хайрын тухай илэн далангуй бичдэг байсан ч бэлгийн харьцааны талаар тэмдэглэлдээ огт дурьдаж байгаагүй юм.

Харин тусгайлан нууца лсан хоёр хуудас дээрээ тэрээр бэлгийн амьдралын талаарх өөрийн бодлоо бичсэн аж. Анна охин энэхүү нууц тэмдэглэлээ 1942 оны есдүгээр сарын 18-нд 13 насандаа бичжээ.  

Б.Дэлгэрцэцэг