ОХУ-ын томоохон хотуудад хөлбөмбөгийн ДАШТ зохион байгуулагдах билээ.  Тэгвэл Ойрхи Дорнодод нөлөөгөө алдаж буй Иракийн хэт даврагч “Халифатын вант улс” бүлэглэл ДАШТ-ий үеэр террорист ажиллагаа явуулж, олон мянган хүнийг хөнөөх болнохэмээн Москвагийн эрх баригчдыг заналхийлсэн талаар “www.dailymail.co.uk”  сайт мэдээллээ.

Тус бүлэглэл өөрсдийн албан ёсны цахим сайтдаа дэлхийн шилдэг хөлбөмбөгчид болох Лионель Месси болон Криштиану Роналду нарын зургийг ашигласан сүрдүүлгийн хуудсыг нийтэлсэн байна.

Уг зураг дээр хөлбөмбөгийн талбай дээр тамирчдын хоолойг хэрчиж буйгаар дүрсэлсэн байна.

Мөн хөлбөмбөгийн тоглолт болж үзэгч дүүрэн цэнгэлдэхийг хараад, гартаа тэсрбэх бөмбөг атгасан жихадигийн зургийг мөн сайтдаа нийтэлжээ.  Тус бүлэглэл “Бид ДАШТ-ийг цусанд живүүлэх болно. Орост байгаа бидний ахан дүүс Аллах бурханд үнэнчээ батлан үүргээ гүйцэтгэх болно” гэсэн байна.

Хөлбөмбөгийн ДАШТ ирэх зургаадугаар сарын 14-ний өдрөөс долоодугаар сарын 15-ны  хооронд зохион байгуулагдах билээ.

Б.Дэлгэрцэцэг