Малайзын цагдаагийнхан авлигын хэрэгт нэр холбогдоод буй экс Ерөнхий сайд Нажаб Разакийн хуучин ажлын байрыг битүүмжлэн шаардлагатай бичиг баримтуудыг хураан авсан талаар “ВВС” агентлаг мэдээллээ.
Бичиг баримтуудаас гадна “Birkin”, “Louis Vuitton”, “Hermes”, зэрэг алдартай брэндүүдийн гар цүнх болон үнэт эдлэлүүдийг хураан авчээ. Нийт 284 хайрцаг бичиг баримт болон цүнх, үнэт эдлэл хураан авсан байна. эдгээрийн 72 нь зөвхөн брэндийн гар цүнхнүүд гэнэ.
Төрийн өмчийн “1MDB” сангаас 700 сая ам.долларыг хувийн данс руугаа шилжүүлсэн хэмээн буруутгаж буй бөгөөд уг хэрэгтэй холбоотой мөрдөн байцаалттай холбоотойгоор Куала Лампур дахь албан өрөөг нь битүүмжилсэн гэнэ.
Ерөнхий сайдаар шинээр сонгогдоод буй Махатхир Мохамад улсаа цөлмөсөн Нажаб Разак болон гэр бүлийг нь хилээр гарахыг хоригложээ.
Энэ сарын эхээр болсон парламентын сонгуульд сөрөг хүчин “Пакатан Харапан” нам ялалт байгуулснаар эрх баригч “Барисан Насионал” намын 61 жилийн ноёрхол төгссөн билээ.
Б.Дэлгэрцэцэг
Уншиж байна |