ШУА, ЭМЯ хамтран ажиллах дөрөв дэх санамж бичигт гарын үсэг зурлаа. Санамж бичигт Эрүүл мэндийн сайд Д.Сарангэрэл, ШУА-ийн Ерөнхийлөгч Д.Рэгдэл нар гарын үсэг зурсан юм.
Эрүүл мэндийн сайд Д.Сарангэрэл: Засгийн газар бүх салбартаа шинжлэх ухаанд суурилсан үйл ажиллагаа явуулах чиглэлийг өгсөн. Эрүүл мэндийн салбар бол хүний эрүүл мэнд, амь настай холбоотой учраас баталгаа нотолгоонд суурилсан үйл ажиллагаа явуулах ёстой. Бид үйл ажиллагаагаа санхүү, бодлогын хувьд ч сэтгэлийн хөдлөлөөр бус аливаа нотолгоо, үндэслэл, тооцоо судалгаанд тулгуурлан явах зорилтыг өмнөө тавиад ажиллаж байна. Эрүүл мэндийн салбар таван чухал зорилгоо тодорхойлсны нэг нь энэ хамтын ажиллагааны санамж бичиг юм. Эрүүл мэндийн салбар өнгөрсөн хугацаанд ШУА-тай байнга хамтран ажиллаж, үр дүн нь гарсаар ирсэн.
ШУА-ийн Ерөнхийлөгч Д.Рэгдэл: Шинжлэх ухааныг хамгийн их хэрэглэдэг салбар бол эрүүл мэнд. Шинжлэх ухааны төв байгууллага, шинжлэх ухааныг хамгийн өргөн хэрэглэдэг яамтай хамтран ажиллах гэрээнд гарын үсэг зурж байгаа нь хоёр салбарын үйл ажиллагаанд томоохон түлхэц болно. Бид эрүүл мэндийн салбарын тэргүүлэх чиглэл, стратегийг тодорхойлох, шинжлэх ухааны ололтыг нэмэгдүүлэх чиглэлээр хамтран ажиллана.
Б.Учрал
Уншиж байна |