Оросын сэтгүүлч Аркади Бабченко Украины нийслэл Киев хотноо байрлах гэртээ буудуулсан байдалтай олдсон талаар тус улсын цагдаагийн мэдээллээс иш татан “www.theguardian.com” сайт дамжууллаа.

Сэтгүүлч эр эхнэрийнхээ хамтаар гэнэтийн халдлагад өртөж буудуулсан бөгөөд тэд түргэний тэргээр эмнэлэг хүрэх замдаа амьсгал хураажээ.

“Тэд их хэмжээний цус алдсан. Анхан шатны тусламж үзүүлсэн боловч, амиа алдсан” хэмээн Киев хотын яаралтай тусламжийн төвөөс мэдэгдэв.

41 настай Аркади Бабченко 2016 онд Оросын цэргийн онгоцны сүйрлийн талаар бичиж, Кремлийн эрх баригчдыг шүүмжилдэг байсан юм.

Дээрх цэргийн онгоцны нийтлэлийн дараахан тэрээр байнга заналхийлэлд өртдөг байсан гэнэ.  Тэрээр өнгөрсөн онд гэр бүлийнхээ хамтаар Киев хотноо суурьшиж, Украины “ATR TV”-д хөтлөгчөөр ажиллаж байжээ.

Б.Дэлгэрцэцэг