БНСУ-ын Элчин сайдын яамын ажилтан, тус яамны виз мэдүүлгийн төвийн ажилтан н.Гэрлээ нар зохион байгуулалттайгаар Элчин сайдын яамны утсыг ашиглан хүний эрхэнд халдсан талаар хохирогчид мэдээлэл хийлээ.
Хохирогч гэгдэх Я.Эрдэнэ-Отгон нь БНСУ-ын Ёнсон их сургуулийн хэвлэл мэдээллийн сургуулийг сонгон бичиг баримтаа илгээжээ. Тэрбээр зургаадугаар сарын 2-нд ярилцлаганд орох албан ёсны хуудсыг хүлээн авсан байна. Монголд ярилцлаганд орох боломжгүй тул БЗД-т байрлах виз мэдээллийн төвд хүсэлт гаргаж, виз хүсчээ. Харин виз мэдүүлгийн төвийн ажилтан н.Гэрлээ нь хайхрамжгүй хандаж, буруу он сар харан, хугацаа нь дууссан материал хэмээн буцаажээ.
Ингээд зогсохгүй Ёнсон их сургууль руу холбогдож, Я.Эрдэнэ-Отгоны өмнөөс ярилцлагаа цуцалж байгаа тухай мэдэгдсэн байна. Ингэснээр Я.Эрдэнэ-Отгон хоёр жилийн хөдөлмөр, хөрөнгө санхүүгээрээ хохирч буй тухайгаа хэвлэлийн хурлын үеэр ярилаа.
Тиймээс тэрбээр БНСУ-ын Элчин сайдад хандаж, дээрх ажилчдаас тодруулга авч, асуудлыг шийдвэрлүүлэхээ мэдэгдэв.
О.Солонго
Уншиж байна |