2018 онд улсын хэмжээгээр 408.9 мянган га-д үр тариа (үүнээс 390.4 мянган га-д улаанбуудай),  15.5 мянган га-д төмс,  8.5 мянган га-д хүнсний ногоо,  32.0  мянган га-д тэжээлийн таримал, 41.9 мянган га-д тосны ургамал, 6.5 мянган га-д жимс жимсгэнэ, нийтдээ 513.2 мянган га-д тариалалт хийнэ.

6 дугаар сарын 05-ны байдлаар улсын хэмжээгээр 322.6 мянган га-д үр тариа, 10.8 мянган га-д төмс, 5.5 мянган га-д хүнсний ногоо, 40.0 мянган га-д тосны ургамал, нийтдээ 399.8 мянган га-д тариалалт хийснээс Үр тарианы тариалалт 78.9 хувь, төмс 69.9 хувь, хүнсний ногоо 65.4 хувь, тосны ургамал 95.6 хувь буюу хаврын тариалалт 80 хувьтай явагдаж байна гэж Тариалалтын штабаас мэдээлж байна.      

Засгийн газрын шийдвэрийн дагуу импортын 1 тонн элит үрийн худалдах үнийг 660 мянган төгрөг, 1 дүгээр үржүүлгийн үрийг 620 мянган төгрөг, дотоодын ургацаас нөөц бүрдүүлсэн сортын үрийг 570 мянган төгрөгөөр тус тус тогтоож, Тариалан эрхлэлтийг дэмжих сангаар дамжуулан 560 гаруй аж ахуйн нэгж, иргэнд 27.8 мянган тонн буудайн үрийг Төв, Хэнтий, Дорнод, Сүхбаатар аймгийн тариаланчдад 10 хувийн, бусдад нь 30 хувийн урьдчилгаатай олгож байна.

Төв болон зүүн аймгуудын зарим нутгаар бага зэргийн бороо орно 

6-нд төв, говь, зүүн аймгуудын ихэнх нутгаар бороо, уулархаг нутгаар хур тунадас, 7-нд төв болон говийн аймгуудын нутгийн зүүн хэсэг, зүүн аймгуудын нутгийн зарим газраар, 8-нд нутгийн зарим газраар, 9-нд баруун, төв болон зүүн аймгуудын нутгийн зарим газраар бага зэргийн бороо орно. Салхи 6-нд говь талын нутгаар секундэд 12-14 метр хүрч ширүүснэ.

6-нд ихэнх нутгаар, 7-нд нутгийн зүүн хэсгээр сэрүүхэн Алтай, Хангай, Хөвсгөл, Хэнтийн уулархаг нутаг, Завхан голын эх, Хүрэн бэлчир, Идэр, Тэс, Тэрэлж голын хөндийгөөр шөнөдөө 2 градус хүйтнээс 3 градус дулаан, өдөртөө 14-19 градус, говийн бүс нутгийн өмнөд хэсгээр шөнөдөө 10-15 градус, өдөртөө 22-27 градус, бусад нутгаар шөнөдөө 4-9 градус, өдөртөө 18-23 градус дулаан байна. Бусад хугацаанд ихэнх нутгаар дулаарна гэж Ус цаг, уур орчны шинжилгээний хүрээлэнгээс мэдээллээ.