УИХ-ын гишүүн, Нийслэлийн НАМЭХ-ны тэргүүн Б.Саранчимэгийн санаачилгаар “Хариу нэхдэгггүй ачтан” хүндэтгэлийн арга хэмжээг Соёлын төв өргөөнд зохион байгууллаа. Энэхүү арга хэмжээг жил бүр уламжлал болгон зохион байгуулдаг бөгөөд нийслэлийн 9 дүүргээс 1300 гаруй эмэгтэйчүүд оролцлоо.

Хүрэлцэн ирсэн эмэгтэйчүүдэд “Монгол хатдын нууц түүх” номыг бэлгэнд өгч, энэхүү номоор хэлэлцүүлэг өрнүүлсэн юм. Жил бүр эхчүүд, эмэгтэйчүүдээ хүндэтгэн сайхан арга хэмжээ зохион байгуулдагт баярлаж, талархаж байгаагаа олон хүмүүс илэрхийлж байв.

УИХ-ын гишүүн Б.Саранчимэг хэлэхдээ “Эмэгтэйчүүд үр хүүхдээ өсгөх, нийгмийн сайн сайхны төлөө ажиллахдаа хариу нэхдэггүй ачтанууд юм. Тиймээс тэднийг баярлуулах, хамтдаа асуудлаа хэлэлцэх, эмэгтэйчүүдийнхээ дуу хоолойг сонсох зорилгоор энэхүү арга хэмжээг зохион байгуулдаг. Жил ирэх тусам арга хэмжээнд оролцож байгаа эмэгтэйчүүдийн тоо, цар хүрээ өргөжиж байна” гэсэн юм.

Н.Нягт