Сангийн сайд асан С.Баярцогт, Эрдэнэс Монгол компанийн гүйцэтгэх захирлаар ажиллаж байсан Б.Бямбасайхан нарыг суллалаа.

С.Баярцогтын өмгөөлөгч Г.Орхон “С.Баярцогтыг цагдан хорих хугацааг үргэлжүүлэн сунгахгүй, өөрчлөх саналыг прокурорын зүгээс гаргасан. Улмаар 74 хоног хорьж шалгасны эцэст С.Баярцогтыг өнөөдөр суллах шийдвэрийг шүүх гаргалаа. С.Баярцогт буруу хийсэн зүйл байхгүй, Монгол Улсын эдийн засагт хувь нэмэр болох сайн гэрээ хийсэн гэдэгтээ итгэлтэй байгаа учраас энэ асуудлыг үнэн мөнөөр тогтоолгохоор сэтгэлийн хаттай хүлээж байгаа. Хэрэг шийдвэрлэж дусаагүй. Шүүхийн, цагдаагийн байгууллагаас нэгэнт шалгаж эхэлсэн тул С.Баярцогтыг авилга, хээл хахууль авсан эсэхэд дүгнэлт хийх байх. Одоогоор түүнийг Монгол Улсын хилээр нэвтрэхийг хориглосон, хязгаарлалт тогтоосон. Биеийн байдлын хувьд 10 гаруй кг турсан, биеийн байдал сайнгүй байгаа ч гомдол гаргасан зүйл байхгүй. С.Баярцогт үнэн мөнийг тогтоолгох л хүсэлтэй байгаа тул харьцангуй тайван байгаа” гэв.

Цагдан хорих хугацаанд С.Баярцогтоос 3-4 удаа мэдүүлэг авчээ.

Г.Тэгшсүрэн