Өмнөд Солонгосын прокурорууд “Korean Air” компанийн Ерөнхийлөгч Чо Ян Хог татвараас зайлсхийлсэн хэмээн буруутгаж, байцаалт авсан билээ.

Байцаалт 15 цагийн турш үргэлжилсэн бөгөөд тэрбээр хэвлэлийнхэнд “Намайг уучлаарай” хэмээн хэлжээ.

Прокурорууд өнөөдөр түүнийг баривчлах хүсэлтээ шүүхэд гаргасан талаар “Ройтерс” агентлаг мэдээлэв.

Өдгөө 68 настай Чо Ян Хог 50 тэрбум воны татвараас зайлсхийлсэн, хилийн чанддахь нэг тэрбум воны хөрөнгийг нуусан, 20 тэрбум воныг гэрээ байгуулах замаар завшсан хэмээн буруутгажээ.

Шүүх энэ баасан гаригт Чо Ян Хог баривчлах эсэхийг шийдвэрлэнэ.

Б.Дэлгэрцэцэг