Оросын тагнуулч асан Сергей Скрипал охин Юлия, Салисбуригийн хамтаар өнгөрсөн гуравдугаар сарын эхээр Британийн Сэлисбури хотын худалдааны төвөөс ухаангүй байдалтай олдсон билээ.
Тэднийг “Новочик” гэх химийн хортой бодисоор хордуулсан болохыг Британийн эрүүл мэндийн шинжээчид тогтоогоод буй юм. Уг химийн хортой бодис шууд хүний мэдрэлийн системд нөлөөлж, улмаар тархийг нь үхжүүлдэг аж.
Тагнуулчийн охины бие сайжирч, эмнэлэгээс гараад буй юм. Харин тагнуулч өнөөг хүртэл ухаангүй байдалтай байгаа талаар албаныхан өгүүлэв.
Тэгвэл Британийн тагнуулын байгууллага “Химийн халдлагаас ч өмнө ОХУ-ын эрх баригчид тагнуулчийн үйлдэл бүрийг тагнаж, мөрдөж байсан. Шалгалтаар тагнуулчийн цахим хуудсууд хакеруудын дайралтад олон удаа өртсөн болохыг тогтоосон” хэмээн мэдэгджээ.
2013 онд Юлиягийн цахим хуудсыг мөн Оросууд хакердсан гэнэ.
Тагнуулчийг хордуулсан хэргийн ард ОХУ бий хэмээн Британийн Ерөнхий сайд Тереза Мэй мэдэгдэж, улмаар тус улсын дипломатчдыг нь хөөсөн билээ. Мөн Британиас гадна дэлхийн 20 гаруй улс ОХУ-ын дипломатчдыг нутгаасаа хөөсөн юм.
Б.Дэлгэрцэцэг
Уншиж байна |