ОХУ-д хөлбөмбөгийн ДАШТ-2018 тэмцээн амжилттай зохион байгуулагдаж байна. Спортоор амьсгалж буй ОХУ-д эсэргүүцлийн жагсаал зохион байгуулагдаж, эмх замбараагүй байдал үүссэн талаар “TASS” агентлаг мэдээллээ.
Оросын 30 гаруй хотноо олон мянган иргэн тэтгэврийн насыг нэмэх Засгийн газрынхаа шийдвэрийг эсэргүүцэн ийнхүү ДАШТ-тэй зэрэгцэн дуу хоолойгоо хүргэжээ.
ДАШТ-ий нээлтийн өдөр тус улсын эрх баригчид тэтгэврийн насыг шинэчлэхээр болсон тухайгаа ард түмэндээ хандан мэдэгдсэн юм.
Энэхүү шийдвэрээр эрэгтэйчүүд 60-65, эмэгтэйчүүд 55-63 насандаа тэтгэвэрт гарах гэнэ. Оросын дундаж тэтгэвэр 14,000 рубль байдаг.
Жагсаалыг Авлигын эсрэг сангийн тэргүүн Алексей Навальный тэргүүлжээ.
Б.Дэлгэрцэцэг
Уншиж байна |