Улаанбаатар
Үлэмж дархан мэргэн Ш.Отгонбаяр ахлагчтай шагайчид тэргүүллээ
4 өдөр

Үндэсний их баяр наадмын шагайн харваа өндөрлөж, мэргэчүүд тодорлоо. Энэ жилийн наадмын шагайн хараанд 88 багийн 764 харваач цэц мэргэнээ сорив.

 

 

Шагайн харвааны тэргүүн байрыг Монгол Улсын үлэмж дархан мэргэн Ш.Отгонбаяр ахлагчтай Дорноговь аймгийн Болд Төмөр Ерөө ХК-ийн баг тамирчид эзэллээ. Энэ багаас Монгол Улсын мэргэн цолыг Б.Батхуяг, дархан мэргэн цолыг О.Азбаяр, Ц.Даваажав, Б.Хонгор, Б.Баасансүрэн, үлэмж дархан мэргэн цолыг Т.Очирбаатар нар шинээр авлаа.

 

Харин хоёрдугаар байрт Монгол Улсын үлэмж дархан мэргэн Л.Болд ахлагчтай Улаанбаатар төмөр замын баг орлоо. Энэ багаас А.Мягмар, Б.Саранбаатар, А.Энхбаяр нар цолны болзол хангав.

 

Гуравдугаар байр Монгол Улсын хошой мэргэн Д.Чүлтэм ахлагчтай Баянхонгор аймгийн баг тамирчид шалгарлаа. Энэ багаас Б.Батжаргал, Ц.Ууганбаяр, Э.Бат-Ирээдүй, Б.Чулуун-Эрдэнэ, Д.Чүлтэм, П.Сүхдалай, Э.Машбат нар шинээр цолны болзол хангажээ.

 

Б.Учрал

Shuud.mn
Сонин хачин