Дөрвөн настай хүүхэд усанд живж, амь эрсэджээ.

Тодруулбал өчигдөр /2018.7.14/ 14.00 цагийн орчимд ХУД-ийн нутаг дэвсгэр Сонсголонгийн гүүр орчим, Туул голоос дөрвөн настай хүүхэд усанд живсэн байдалтай олджээ. 

Хүүхэд урсаж буйг харсан иргэн Цагдаагийн байгууллагад дуудлага өгснөөр тухайн өдрийн 18.00 цагийн орчимд ар, гэрийнхнийг олж тогтоосон байна.

Ойрын өдрүүдэд үргэлжилсэн бороо орж, Туул гол үерлэсэн тул иргэд, олон нийт амралт зугаалгаар явахдаа анхаарал, болгоомжоо дээшлүүлж, бага насы хүүхэддээ тавих анхаарал халамжаа нэмэгдүүлэхийг цагдаагийн байгууллагаас анхаарууллаа. 

Г.Сүрэн