Үерийн ус зайлуулах жалга дээр зөвшөөрөлгүй барьсан байгууламжийг өнөөдөр албадан буулга байна. Нийслэлийн Авто замын хөгжлийн газар, Ус сувгийн удирдах газар, Геодези, усны барилга байгууламжийн газар, Нийслэлийн Газрын алба, Мэргэжлийн хяналтын газрын хамтарсан Ажлын хэсэг өнгөрсөн долоо хоногт Монелийн уулзвар дахь үерийн ус зайлуулах жалга дээр зөвшөөрөлгүй буусан иргэн, аж ахуйн нэгжид шаардах хуудсыг хүргүүлсэн байна. Шаардлагыг биелүүлээгүй учраас ийн албадан буулгаж байна.