Филиппинийн Ерөнхийлөгч Родриго Дутертегийн шийдвэрээр гаальд хураагдсан тансаг зэрэглэлийн 60 автомашиныг устгасан талаар “www.abc.net.au” сайт мэдээллээ.

Олон саяын үнэтэй эдгээр машиныг устгасан шалтгаанаа Ерөнхийлөгч “Авлигын эсрэг зарласан тэмцлийнхээ хүрээнд би бодит алхам хийхийг хүслээ” хэмээн тайлбарлажээ.

Нийт 7.5 сая еврогийн үнэтэй “Lamborghini”, “Porsche”, “Mercedes Benz” болон “Harley-Davidso” мотоциклийг бульдозерийн тусламжтай устгасан байна.

Ерөнхийлөгч дээрх машинуудыг бүгдийг нь устгаж дуусах хүртэл харж зогсчээ.

Тэрбээр Ерөнхийлөгч болохдоо “Филиппинийг авлига болон хар тамхинаас чөлөөлөх болно” хэмээн амласан юм. Түүний эхлүүлсэн хар тамхины дайны улмаас 7000 орчим хүн амиа алдаж, хагас сая хүн ял сонсчээ.

Б.Дэлгэрцэцэг