Алан хядах “Аль Кайди” бүлэглэлийн толгойлогч асан Осама Бин Ладены хүү Хамза Бин Ладен хуримаа хийсэн талаар эх сурвалжийн мэдээллээс иш татан “www.dailymail.co.uk” сайт мэдээллээ.
Аавынхаа үйл хэргийг үргэлжлүүлэхээ мэдэгдээд буй Хамза өнгөрсөн 2001 оны есдүгээр сарын 11-ний халдлагыг зохион байгуулсан Египетийн иргэн Мухаммед Аттагийн охинтой гэрлэжээ.
АНУ-ын Нью Йорк хот дахь ихэр худалдааны төвийг Атта тэргүүтэй террористууд барьцаалсан онгоцоороо мөргөж, олон хүний аминд хүрсэн түүхтэй.
Аттагийн охин нөхрийнхөө хамтаар Афганистанд амьдардаг гэх мэдээллийг Хамзагийн эцэг нэгт ах хэвлэлийнхэнд мэдээлжээ.
Хамза хэдэн жилийн өмнө АНУ, Саудын Арабын эсрэг дайн зарлахыг исламын шашинтнуудыг уриалсан юм. Тэрбээр мөн “Аль Кайди” бүлэглэлийн толгойлогчоор томилогдсон тухайгаа мэдэгджээ.
АНУ-ын тусгайгийнхан долоон жилийн өмнө Пакистанд нууц ажиллагаагаа явуулж Осама Бин Ладенийг устгасан билээ.
АНУ-ын эрх баригчид өнгөрсөн 2017 онд Хамзаг АЮУЛТАЙ бүртгэлд оруулж, олон улсад эрэн сурвалжлах болсон юм.
Б.Дэлгэрцэцэг
Уншиж байна |