ОХУ-ын Ерөнхийлөгч В.Путин өчигдөр “НАТО”-ийн эрх баригчдыг шүүмжилсэн мэдэгдэл хийсэн талаар “Ройтерс“ агентлаг мэдээллээ. Кремлийн тэргүүн “НАТО” цэргийн хүчээ ОХУ-ын хил рүү ойртууллаа” хэмээжээ.

Тэрбээр үргэлжлүүлэн “Дээрх үйл явдалтай холбогдуулан ОХУ хилийн хамгаалалтаа чангатгаж, болзошгүй аюулаас урьдчилан сэргийлэх болно” гэж хэлэв.

Ерөнхийлөгчийн мэдэгдлийн хариуд “НАТО”-ын хэвлэлийн алба “Хамгаалалтын, тэнцвэрт байдлыг хангах” зорилготой. Тиймээс бид олон улсын хууль, дүрмийг зөрчөөгүй. Болзошгүй цэргийн түрэмгийллийг таслан зогсоох зорилгоор “НАТО” зүүн нутаг руу 4000 цэрэг илгээсэн. Энэ нь ОХУ-ын илгээсэн цэргүүдтэй харьцуулшгүй. ОХУ нь Украин, Гүрж, Молдавт өөрийн ашиг сонирхлын төлөө цэрэг байршуулаад буй” гэж мэдэгджээ.

Путин Финландын Ерөнхийлөгчийн хамтаар хамтарсан хэвлэлийн хурал хийх үеэр “НАТО, ОХУ-тай цэргийн нислэгийн дүрэм журмын талаар хэлэлцэхээс татгалзсан” гэжээ. “НАТО”, Путины мэдэгдлийг үгүйсгэж “Бүс нутаг дахь агаарын аюулгүй байдлын талаар “НАТО” болон ОХУ-ын зөвлөлийн уулзалтын үеэр хэлэлцэж, тохиролцсон” гэжээ.

 ОХУ-ын эрх баригчид 2014 онд Украины Крымийг эх газартаа нэгтгэсэн юм. Уг үйл явдлын дараа ОХУ, “НАТО”-ийн харилцаа МУУДСАН юм.

Б.Дэлгэрцэцэг