АНУ-ын Төрийн нарийн бичгийн дарга Майк Помпео ирэх долоо хоногт Хойд Солонгос улсад айлчлахаар төлөвлөж байсан юм. Уг мэдээллийг өнгөрсөн баасан гаригт Цагаан ордны хэвлэлийн албанаас баталж байв.
Тэгвэл Ерөнхийлөгч Дональд Трамп, сайдынхаа Пхеньянд хийх төрийн айлчлалыг цуцалсан талаар “Ройтерс” агентлаг мэдээллээ.
Трамп ийнхүү Помпеогийн айлчлалыг цуцалсан шалтгаанаа “Хойд Солонгос амлалтаа биелүүлэхгүй байна” гэж тайлбарлажээ.
Сингапурт өнгөрсөн зургаадугаар сард ТРАМП-КИМ нарын дээд хэмжээний уулзалт зохион байгуулагдах үеэр Ким Чен Ун “Цөмийн хөтөлбөрөөс салж, олон улстай найрсаг харилцаатай болно” хэмээсэн юм.
Тэрбээр амлалтаа биелүүлэхгүй, олон улсын шаардлагыг чихнийхээ хажуугаар өнгөрөөж, үл тоомсорлож байгаа нь Цагаан ордны тэргүүний дургүйцлийг хүргэжээ.
Б.Дэлгэрцэцэг
Уншиж байна |