БНХАУ-ын хамгийн баян эрхмүүдийн нэг, худалдааны "Алибаба" компанийг үүсгэн байгуулагч Жак Ма тэтгэвэрт гарахаар бэлдэж буй талаар Америкийн "Нью Йорк Таймс" сонинд өгсөн ярилцлагынхаа үеэр онцолсон талаар "Ройтерс" агентлаг мэдээллээ. 

Жак Ма өнгөрсөн 1999 онд "Алибаба" компанийг үүсгэн байгуулсан юм. Тэрбээр "Би энэ хугацаанд зөвхөн бизнесийн салбарт ажиллаа. Одоо миний зүрх сэтгэлийг хамгийн ихээр татаж буй боловсролын салбарт ажиллахаар төлөвлөж байна. Ойрын хугацаанд бүх эрх мэдлээ шилжүүлэн өгөхөөр төлөвлөж байна" гэж ярьжээ.

Энэ сарын 10-нд гүйцэтгэх захирлын албанаас чөлөөлөгдөж, компанийнхаа зөвлөхөөр ажиллах гэнэ. 

Тэрбээр бизнес эрхлэхээсээ өмнө англи хэлний багш, хөтөчөөр ажиллаж байжээ. Ямар шалтгаанар тэтгэвэрт гарч буйг асуухад Жак Ма "Энэ бол төгсгөл биш. Энэ бол эхлэл" гэж хариулав. 

Түүний нийт хөрөнгө 38,5 тэрбум ам.доллар бөгөөд хятадын хамгийн баян 10 эрхмийн 3-т жагсдаг байна. 

Б.Дэлгэрцэцэг