Ерөнхий сайд нэрийг нь барьж орсон ч Ерөнхийлөгч “голсон” гишүүн хэн бэ
2018-09-14

Засгийн газар ЗТХ-ийн сайд Ж.Бат-Эрдэнийг чөлөөлсөн нь асуудал дагуулж магадгүй байгаа. Гэсэн ч дараагийн сайдаар хэнийг томилох вэ гэдгээ аль хэдийнэ ярьж эхэлсэн байна. Өнгөрсөн амралтын өдрүүдээр буюу энэ сарын 8-ны өдөр У.Хүрэлсүх, М.Энхболд, Сү.Батболд, Д.Хаянхярваа, Л.Энх-Амгалан, Я.Содбаатар, бас зарим нэг томоохон албан тушаалтан Булганы Хишиг-Өндөр суманд  очиж тохироо хийсэн байдаг. Энэ үеэр ярьсан зүйлүүдийн нэг нь ЗТХ-ийн дараагийн сайдаар хэнийг томилох вэ гэдгийг ярилцсан байна.

 

Ийн Булган руу явахын өмнө Ерөнхий сайд У.Хүрэлсүх ЗТХ-ийн сайдад нэр дэвшүүлэхээр нэгэн гишүүний нэрийг бариад Ерөнхийлөгч Х.Баттулга руу орсон байна. Хуулиараа Ерөнхий сайд танхимынхаа сайдад нэр дэвшигчийг Ерөнхийлөгчөд танилцуулан санал авах ёстой юм. Гэхдээ Ерөнхийлөгч Х.Баттулгыг ЗТХЯ-нд онцгой анхаарал хандуулдаг гэдгийг улс төрийн хүрээнд ярьдаг. Тэр утгаараа Ерөнхийлөгчийн дэмжлэг шинэ сайдыг тодруулахад бас л онцгой үүрэгтэй гэсэн үг.

 

 

Ерөнхий сайд У.Хүрэлсүхийн ЗТХ-ийн сайдад нэр дэвшүүлсэн эрхэм нь УИХ-д гурван ч удаа сонгогдсон, Байнгын хорооны дарга, сайдаар ажиллаж үзсэн, насны хувьд УИХ-даа залуу гишүүдийн тоонд орчихдог гишүүн юм байна. Гэвч Ерөнхийлөгч Х.Баттулга нэр дэвшигчийг нь хүлээн зөвшөөрөхгүй гээд буцаажээ. Харин Ерөнхий­лөгчийн зүгээс ЗТХ-ийн дараагийн сайдад улстөрч биш, нэр алдар нь төдийлэн мандаж яваагүй нэгэн эрхмийг Ерөнхий сайдад санал болгосон байна.

 

Ингээд “хана мөргөсөн” Ерөнхий сайд У.Хүрэлсүх ЗТХ-ийн сайдад нэр дэвшигчийг тодруулах, бас цаг үеийн бусад чухал асуудлаар байр сууриа нэгтгэхээр намынхнаа дагуулан Булганыг зорьсон нь тэр аж. Гэсэн хэдий ч Булганд очоод сайдын асуудлыг эцэслэж чадаагүй байна.

 

Уг нь ЗТХ-ийн сайдад УИХ-ын гишүүн Д.Хаянхярваа, Я.Содбаатар нар зүтгэсэн ч Д.Хаянхярвааг 33-ын бүлэг, Я.Содбаатарыг 32-ын бүлгийнхэн эсэргүүцсэн байна. Тиймээс Ерөнхий сайд У.Хүрэлсүх дундын хувилбар болгон нэгэн гишүүнийг нэр дэвшигчээр тодруулсан байгаа юм.

 

Дашрамд хэлэхэд, сүүлийн үед сүрхий нөхөрлөх болсон Ерөнхий сайд, МАН-ын дарга У.Хүрэлсүх, УИХ-ын дарга М.Энхболд хоёрыг ойртуулсан зуучлагч нь Ерөнхийлөгч асан Н.Багабанди ажээ. Тэдний экс Ерөнхийлөгчөөр зуучлуулан хийж буй томоохон уулзалтын хоёр дахь нь энэхүү Булганд очиж хийсэн уулзалт юм байна.

 

Эх сурвалж: “Зууны мэдээ” сонин

Б.ДАМДИН-ОЧИР

Shuud.mn
Сонин хачин
Хулхи Дамбаочирын нэр байсан гэнэ лээ.Лүнгийн замыг яалаа.Очир төвийн 13 настай охины үхэл гээд сайд битгий хэл УИХд байх ёсгүй хүнийг буцаасан байна лээ.
2018-09-17
Бид ерөнхийлөгчөөрөө дандаа адгийн новшнуудыг сонгоод бадаг юм уу? Эсвэл яг үнэндээ Дэвшиж байгаа хүмүүс бүгд л адгийн новшнууд байна уу ялгаагүй. Би бол бидэнд ямарч сонголт байхгүй зүгээр л адгийн новшнуудын дундаас сонгосон нэр л зүүж байх шиг байна даа
2018-09-17
БАГА БАНДИ ГЭЖ ХҮЙТЭН ЦАРАЙТАЙ ЮМ ЗУУЧЛАГЧ БОЛСОН ААН ХЭРЭГ АЛГА ҮХЭЖ ДАЛД ОРВОЛ ТААРНА. АРЧААГҮЙ ХОГ
2018-09-15
МОНГОЛ УЛСЫН ЕРӨНХИЙЛӨГЧ БАЙСАН ХҮМҮҮСИЙН НЭРИЙГ СОНСОХООР Л ДОТОР МУУХАЙ ОРГИХ ЮМ .
2018-09-14
Ene Bagabandi odoo uxej dald oroosoi...cda yumaa...
2018-09-14
Монголын түүхч:
монголын улс төрчдийн хийж сурсан зүйлс ерөөс энэ, балиар шаарууд хурдан зайлаасааа, та нараас түүх өшөөгөө авнаа
2018-09-14
Улсын хямрал П.Очирбатаас, намын хямрал Б.Багабандиас...
2018-09-14
Улсын хямрал П.Очирбатаас, намын хямрал Б.Багабандиас...
2018-09-14