“ДЦС-IV”-т өнгөрсөн бямба гаригт гэмтэл гарсны улмаас Улаанбаатар хот нэлдээ цахилгаангүй болсон. Уг гэмтлийг мэргэжилтнүүд шуурхай сэргээн засварласан юм. Үүнтэй холбогдуулан ЭХ-ний сайд Ц.Даваасүрэн мэдээлэл хийлээ. Тэрбээр:
-Бид бодлого дээрээ өөрчлөлт гаргах хэрэгтэй. Энэ удаагийн “ДЦС-IV”-т болсон аваар үндсэн тоног төхөөрөмж эвдэрснээр болоогүй. Эрчим хүчний хүчин чадлаас болсон. Бид бие даасан эрчим хүчтэй болохын тулд усан цахилгаан станц үйлдвэрлэх хэрэгтэй. “ДЦС-IV” дээр аваар гарвал Монгол тэр чигээрээ эрчим хүчгүй болно гэдгийг саяын аваар харууллаа. Нар, салхины эрчим хүч дээр 1500 мгвт-ийн лиценз өгсөн байгаа. Нар, салхины эрчим хүч 300 мВт-аас дээш байж болохгүй гэлээ.
-Аваараас үүдэлтэй ямар гэмтэл үүссэн бэ?
-Аваараас үүдэлтэй гэмтлийг нягталж үзэх ёстой. Өнөөдөр гурван генератор ажиллаж байна. Маргаашнаас дөрөв дэх генератор ажиллаж эхэлнэ.
-Техникийн шинэчлэл хийх шаардлагатай юу?
-Техникийн хувьд шинэчлэх шаардлагатай байгаа. Өвлийн ачааллыг давахын тулд түр зогсоохоос өөр аргагүй. Насжилтийн хувьд маш өндөр болсон. Дөрвөн генераторуудаа шинэчлэхээс өөр аргагүй. Генаторыг шинэчлэх зээлийн асуудал бүрэн шийдэгдээгүй.