Нийслэлийн замын ачааллыг бууруулах чиглэлээр хийж, хэрэгжүүлэх ажлын саналыг хэлэлцэж байна. Замын тэмдэг тэмдэглэгээ хийхээс эхлээд түгээлтийн машинуудыг цагийн хуваариар хөдөлгөөнд оролцуулах гэх мэт асуудал хөндөгдөж буй юм.
Энэ дунд замын түгжрэлийг иргэдэд хэрхэн хүргэх асуудал ч яригдаж байна. Ирэх 10 дүгээр сараас эхлэн богино долгионы 12 радиогоор замын нөхцөлийг мэдээлэхээр болжээ.
Одоогоор Авто радио 96.3, Монголын Үндэсний радиогийн F3, Улаанбаатар телевиз, МҮОНТ зэрэг сувгаар жолооч нарт замын хөдөлгөөний нөхцөл байдлыг мэдээлж байна. Цаашид Улаанбаатар хотод үйл ажиллагаа явуулж байгаа нийт FM радиогоор замын хөдөлгөөний нөхцөл байдлыг мэдээлэх саналыг ХХЗХ-нд хүргүүлж, дэмжлэг авсан байна. Ингэснээр 12 радиогоор нэгэн зэрэг замын хөдөлгөөний нөхцөлийг мэдээлэх нөхцөл бүрдэнэ гэдгийг Замын хөдөлгөөний удирдлагын төвийн дарга Ч.Одбаяр хэллээ.
Б.Учрал
Уншиж байна |