Дээд шүүх: Засгийн газар хууль зөрчсөн
2018-09-20

Улсын Дээд шүүхийн хяналтын шатны захиргааны хэргийн шүүх хуралдаанаар “Монголиан коппер корпорейшн” ХХК-ийн нэхэмжлэлтэй Монгол Улсын Засгийн газар, Төрийн өмчийн бодлого, зохицуулалтын газар, Оюуны өмч, улсын бүртгэлийн ерөнхий газарт тус тус холбогдох захиргааны хэргийг нэхэмжлэгчийн төлөөлөгч болон хариуцагч нарын итгэмжлэгдсэн төлөөлөгч нарын гаргасан гомдлоор 2018 оны 9 дүгээр сарын 19-ний өдөр хянан хэлэлцлээ.

 

Нэхэмжлэгч “Монголиан коппер корпорейшн” ХХК  Монгол Улсын Засгийн газар, Төрийн өмчийн бодлого, зохицуулалтын газар, Оюуны өмч, улсын бүртгэлийн ерөнхий газар гэсэн гурван байгууллагад холбогдуулан нийт 13 нэхэмжлэлийн шаардлагыг шүүхэд гаргажээ.

 

Нийслэл дэх Захиргааны хэргийн шүүх уг хэргийг 2018 оны 4 дүгээр сарын 30-ны өдөр хянан хэлэлцээд нийт 13 нэхэмжлэлийн шаардлагаас 9-ийг нь хангаж, 2 шийдвэртэй холбоотой шаардлагыг хэсэгчлэн хангаж, 2-ыг нь хангахгүй орхиж шийдвэрлэсэн байна.

 

Захиргааны хэргийн давж заалдах шатны шүүх дээрх хэргийг 2018 оны 7 дугаар сарын 19-ны өдөр хянан хэлэлцээд анхан шатны шүүхийн шийдвэрт өөрчлөлт оруулж, нийт 13 нэхэмжлэлийн шаардлагаас 5-ыг нь хангаж, 1 шийдвэртэй холбоотой шаардлагыг хэсэгчлэн хангаж, 7-г нь хангахгүй орхиж шийдвэрлэсэн юм.

 

Улсын Дээд шүүхийн хяналтын шатны захиргааны хэргийн шүүх хуралдаанаар дээрх хэргийг хянан хэлэлцээд давж заалдах шатны шүүхийн магадлалд өөрчлөлт оруулж, нийт 13 нэхэмжлэлийн шаардлагаас 6-г нь хангаж, 2 шийдвэртэй холбоотой шаардлагыг хэсэгчлэн хангаж, 5-ыг нь хангахгүй орхиж шийдвэрлэв. Дээд шүүх хэргийг ийнхүү шийдвэрлэхдээ Монгол Улсын Засгийн газар болон Төрийн өмчийн бодлого, зохицуулалтын газар, Оюуны өмч, улсын бүртгэлийн ерөнхий газар нь УИХ-ын 23 дугаар тогтоолыг хэрэгжүүлэхдээ хууль болон дээрх тогтоолыг зөрчиж,  зарим шийдвэрүүдийг гаргасан байна гэж дүгнэжээ.

 

Эх сурвалж: supremecourt.mn

Shuud.mn
Сонин хачин
Mongoliin ard irgediin yazguur erh ashgaas deeguur ter dundaa Mongol toriin deer garaad suutsan shuuh zasaglal shuugchtei baih n zovuu buruu you. Batsuur bol shuud omnoh eronhiilogchiin tomilgoonii hun. Tegeheer Batsuur bi buruu shiidsen ch zov shiidsen ch bi shuugch hebeeree l bna gedeg huuliin hamgaalaltiig sain medej bga busad shuugch nar ch asuudliig ingej shiiddeg. Tim bolohoor shuuhees shudarga shiidver garahgui bga youm.
2018-09-22
Deeremchid busdiin hurungiig butsaaj ug.
2018-09-20
Зочин:
elbegdorjiin tabisan huhg uurchiluhgui bol iim shiidber gana sh dee
2018-09-20
ЗОЧИН:
ХАРИН ТИЙМ ЭЭ. ДЭЭД ШҮҮХ Ч ГЭЖДЭЭ 3- ХҮН Л БАЙНА ЛЭЭ. ЭД НАР ХЭДЭН ТӨГРӨГ АВСАН БОЛ.
2018-09-20
зочин:
Бүгдийг худалдаад авчих юм аа
2018-09-20