ОХУ-ын нийслэл Москва хотын “Лужники” цэнгэлдэхэд зохион байгуулагдсан хөлбөмбөгийн ДАШТ-ий финалын тоглолтын үеэр цагдаагийн дүрэмт хувцас өмссөн дөрвөн хүн талбайд гарч ирцгээж, тоглолтыг хэсэг хугацаанд үймүүлсэн.
Тэд Оросын “Пусси Риот” хамтлагийн дэмжигчид байсан юм. Цагдаагийнхан тэднийг баривчилж, өндөр торгууль ноогдуулсан билээ.
Үймээн дэгдээсэн дэмжигчдийн нэг Петр Верцилов энэ сарын эхээр эмнэлэгт хүргэгдсэн талаар хэвлэлийнхэн мэдээлсэн.
Петр Верциловын биеийн байдал тун муу байгаа бөгөөд химийн хортой бодисонд хордсон хэмээн эмч нар үзэж байна.
“Пусси Риот” хамтлагийнхан уг химийн халдлагын ард ОХУ-ын Тагнуулын байгууллага бий хэмээн мэдэгдсэн талаар “www.dailymail.co.uk” сайт мэдээллээ. Тагнуулынхан мэргэжлийн түвшинд ажиллаж, Петр Верциловыг хордуулсан. Өдрөөс өдөрт түүний биеийн байдал муудаж, ярих чадвараа алдаад байна” гэж мэдэгджээ.
Тэрбээр өчигдөр эмчилгээ хийлгэхээр Германы нийслэл Берлин хот руу ниссэн байна.
Петр Верцилов 2012 онд “Пусси Риот” хамтлагийн гишүүн Надежда Андреевна Толоконниковатай гэрлэсэн юм.
Б.Дэлгэрцэцэг
Уншиж байна |