“Эрдэнэс Тавантолгой” IPO-гоо ч гаргана, иргэдэд ногдол ашиг ч тараана
2018-10-3
Гэрэл зургийг MPA.mn

 

Олон жил дуншсан Тавантолгойн орд “хөдөлж” эхэллээ. Энэ хүрээнд “Эрдэнэс Тавантолгой” ХК IPO гаргах бэлтгэл ажлаа базаагаад байна. Бас Монгол Улсын иргэн бүрийн 1072 хувьцаа “амь орж” эхэллээ.

 

Засгийн газрын 2018 оны зургадугаар сарын 20-ны ээлжит хуралдаанаар “Тавантолгой” төслийг эдийн засгийн эргэлтэд оруулах төслийг яаралтай дэгээр хэлэлцүүлэхээр УИХ-д өргөн мэдүүлэхээр болсон. Үүнээс сарын өмнө УИХ дахь МАН-ын бүлэг, зургадугаар сарын 14-нд ҮАБЗ дэмжсэн байдаг.

 

Дараа нь УИХ-аар хэлэлцэж 180 хоногт багтаан “Эрдэнэс Тавантолгой” ХК-ийн 30 хувьд IPO хийх бэлтгэл ажилд орсон юм.

 

Ер нь бол УИХ-ын 2010 оны 39 дүгээр тогтоолд “…Тавантолойн бүлэг ордыг эдийн засгийн эргэлтэд оруулахдаа “Эрдэнэс Тавантолгой” ХК 100 хувь төрийн өмчит улсын үйлдвэрийн газрын 50 хувь байна. Үүний 10 хувь нь аж ахуйн нэгж, 20 хувь нь иргэд дээр, 20 хувийг нь дотоод болон гадаадын Хөрөнгийн бирж дээрээс хөрөнгө босгоно гэж тусгасан” байдаг юм.

 

УИХ, Засгийн газар үүнийг үндэслэн энэ хувилбараар явуулахаар боллсон байгаа юм. Тиймээс Тавантолгойн нүүрсийг их хэмжээгээр экспортод гаргахын тулд  дэд бүтцийг яаралтай шийдэх, төмөр зам, авто зам, усан хангамжийн асуудлыг яаралтай шийдэх ажлуудыг тогтоолд нь оруулж  төслийг боловсруулжээ. Үүнд усан хангамж, уурхайн нөөцийн шинэчилсэн төсөл, уурхайн ТЭЗҮ-ийг шинэчлэх, баяжуулах үйлдвэрийн төслийг давхар бэлдэж байгаа. Тавантолгойн Зүүнбаян чиглэлийн төмөр зам, Тавантолгой Гашуунсухайтын төмөр зам, Тавантолгой Зүүнбаянгийн авто зам, Тавантолгой Гашуунсухайтын төмөр замын ТЭЗҮ-ийг тус тусад нь боловсруулж байна. Эрчим хүчний хэрэглээний эх үүсвэр дээр Тавантолгойн бүлэг орд дээр суурилан 450 мегабитын хүчин чадалтай цахилгаан станцыг байгуулахаар оруулсан байна.

 

Энэ талаар “Эрдэнэс Тавантолгой” ХК-ийн гүйцэтгэх захирал Б.Ганхуяг “…IPO гаргах ажлын хүрээнд дөрвөн том ажил хийгдэнэ. Олон улсын санхүүгийн зөвлөх авах, олон улсын хуулийн зөвлөх, цаашлаад олон улсын техникийн зөвлөх авах, компанийн дотоод аудит хийлгэх зэрэг ажлууд хийгдээд явна. Олон улсын зөвлөх авах олон улсын тендерүүд маань зарлагдаад, явж байна. Хамгийн чухал нь компаний засаглалыг сайжруулах, ил тод нээлттэй байдал бий болгох, санхүүгийн шилэн зарчмыг улам баталгаажуулах, худалдан авалтыг ил тод болгох зэрэг ажлуудын хүрээнд гурван төрлийн ажил хийж байна” гэж ярьсан.

 

“Эрдэнэс Таван­толгой” ХК нь 2018 оны эхний хагас жилд 1.19 их наяд борлуулалтын орлого бүрдүүлжээ. Уг нь бүтэн жилд 1.2 их наяд орлого хийх ёстой юм байна. Тэгэхээр “Эрдэнэс Тавантолгой” ХК төлөвлөгөөгөө хэдийнэ давуулсан байна.

 

Бас энэ хугацаанд 373 тэрбум төгрөгийн цэвэр ашигтай ажиллажээ. Одоо цэвэр ашиг 140 хувийн гүйцэтгэлтэй байгаа юм байна. Ингэхээр тус компани санхүүгийн хувьд эрчимтэй өсч байгаа гэсэн үг. Энэ онд нийт 10.5 сая тонн нүүрс борлуулах төлөвлөгөөтэй. Оны эхний хагас жилд улсын төсөвт 216 тэрбум төгрөг төвлөрүүлээд байгаа аж. Энэ маягаар “Эрдэнэс Тавантолгой” ХК ажлууд эрчимтэй явагдаж байна.

 

Түүнчлэн 2018 оны жилийн эцсийн гүйцэтгэлийн үр дүнгээр 1072 хувьцааг амь оруулах боломж хангагдсан сайхан мэдээг “Эрдэнэс Тавантолгой” ХК-ийн гүйцэтгэх захирал Б.Ганхуяг дуулгаж байна.

 

Өөрөөр хэлбэл, “Эрдэнэс Тавантолгой” ХК иргэн бүрт Тавантолгойн ногдол ашиг тараана. Хамгийн гол нь IPO гаргасан ч, төсөл хөтөлбөрүүдээ санхүүжүүлсэн ч энэ ажлыг хийж амжуулна гэж байна.

 

Эх сурвалж: “Зууны мэдээ” сонин

Б.ДАМДИН-ОЧИР

Shuud.mn
Сонин хачин
Ха ха:
Хажууд нь Хан Хэнтий шиг агуу Хятадын зах зээл байхад 8 мянган км ийн цаана байгаа Хар Тэнгисин Таманийн боомт руу нүүрсээ зөөх санаархалтай уул уурхайн сайдад итгэж ТТ-н хувьцааг худалдаж авах гадаадын хөрөнгө оруулагч, хувьцаа эзэмшигч олдох уу
2018-10-06
Энэ нэг хачин аалз юугаа хийж чадах вэ дээ
2018-10-06
ДАРААГИЙН ЭРДЭНЭТ ЕРӨНХИЙ САЙДАА:
Энэ уул нь сайн асуудал юм. Гэхдээ IPO гаргах гэж байгаа компанийн засаглал тогтвортой, ил тод үйл ажиллагаа явуулдаг цэвэр бизнесийн мэргэжлийн байгууллага байх ёстой. Төрийн оролцоотой, дуртай нь халдаг, мэргэжилгүй баахан чихээсээр ажилладаг байгууллага олон улсын өрийн бичиг буюу IPO гаргавал шууд дараагийн ЭРДЭНЭТ болно шүү ДУРАКУУДАА. Нэг муу мэдээ гаргахад л хувьцааны алданги хүлээдгийг мэдэх байлгүй дээ. Манай ДУРАКУУД бодлогогүй ярьдаг мөн ч их мөнгөөр гараа угаах нь дээ.
2018-10-04
uyach:
SONGUULIAAR ARDIIN NAMIINXANII XULXIDAJ, ZALILJ ABSAN 300 XUBITSAAGAA BUTSAAJ ABMAAR BNA. YAAJ OLJ ABIYA DEE BAIZ
2018-10-03
Иргэн:
АРДИРГЭД БИД АШГАА АВАХ ЁСТОЙ
2018-10-03
хорь ч бай гуч ч бай авах хэрэгтэй тэгэхгүй бол луйварчид авчихна
Популистуудад:
Хувааж тараахын оронд угаах үйлдвэр, төмөр замаа барьчихдаг болоосой
2018-10-03
зочин:
Юм л бол хуваагаад идэх тухай бодох юм Эхлээд наадахаа жаахан гайгүй болгочихооч
2018-10-03
зочин:
МАН овоодоо, АН гэдэг луйварчидад хамаг юм аа сүйтгүүлж, хулхидуулсаар бүүр итгэхээ больжээ Наад ажлуудаа шуурхайлаарай
2018-10-03