Монголын Уран Зургийн галерейд оны шилдэг бүтээлийн үзэсгэлэн дэлгэгдлээ. Нийт 87 уран бүтээлчийн уран зураг, монгол зураг, уран баримал, уран сийлбэр, өнгөт бар, график, арьсан урлал, инстоляци чиглэлийн 117 бүтээлийг үзэж сонирхох боломжтой. “Оны шилдэг бүтээл-2018” үзэсгэлэнгийн шилдэг бүтээлийг хаалтын өдөр буюу 2018 оны аравдугаар сарын 12-нд шалгаруулж батламж гардуулна. Үзэсгэлэнд шалгарсан бүтээлүүдийг Засгийн газрын тогтоолын дагуу улсын сан хөмрөгт худалдан авах юм байна.