АНУ-ын Өмнөд Каролина мужийн Флоренс хотноо өнгөрсөн шөнө зэвсэглэсэн этгээд үүргээ гүйцэтгэж явсан цагдаагийн албан хаагчид руу гал нээсэн талаар “Ройтерс” агентлаг мэдээллээ.

Хоёр цагийн дотор долоон цагдаа буудуулж, орон нутгийн эмнэлэгт хүргэгдсэн гэнэ.

Цагдаагийнхан эхэнд “эзэнгүй гэрийг тонож байна” гэх дуудлагыг хүлээн авчээ. Уг дуудлагын дагуу цагдаагийнхан хэргийн газар ирэх үед байшин дотор байсан этгээд гэнэт гал нээсэн гэнэ.

Нэгэн цагдаа “Бид гэмт этгээдийг галт зэвсэгтэй гэдгийг мэдээгүй, байшин руу хэтэрхий ойртсон нь алдаа болсон” гэж ярьжээ.

Гал нээж, иргэдийн аюулгүй байдалд саад учруулсан этгээдийг баривчилсан аж.

АНУ-ын Ерөнхийлөгч Дональд Трамп дээрх үйл явдалтай холбогдуулан Каролина мужийн Захирагч Хенри МакМастертийг цагдаагийн албан хаагчдын аюулгүй байдалд гол анхаарлаа хандуулахыг уриалжээ.

2017 онд тус улсад 15,000 хүн амиа алдсан ба галт зэвсгээр өөрийнхөө амийг егүүтгэсэн иргэдийг тоог багтаагаагүй аж.

Б.Дэлгэрцэцэг