Засгийн газрын ээлжит хуралдаан болж байна. Хуралдаанаар хэлэлцсэн асуудлын талаар ЗГХЭГ-ын дарга Г.Занданшатар мэдээлэл хийлээ. Дубайн гэрээ хэлэлцээрийг сайжруулах зорилгоор “Оюутолгой”-той гэрээ хэлэлцээ хийсэн байна. Энэ талаар ЗГХЭГ-ын дарга Г.Заншатар мэдээлэл хийлээ. Тэрбээр:
-“Рио тинто”-той удаан хугацаанд хэлэлцээр хийсний үр дүнд “Оюутолгой”-гоос Монголын талын хүртэх үр ашгийг дээшлүүлэх, хугацааг наашлуулах зэрэг таван асуудлаар санамж бичиг зурах шийдэлд хүрлээ. Ингэснээр “Оюутолгой”-н гэрээний үр ашиг дээшилж, зээлийн хүү буурна. Монгол Улсын эзэмшиж байгаа 34 хувь бол хувь нийлүүлэгчдийн зээлээр санхүүждэг. Санхүүжилтийн зээлийн хүү өндөр байсан. Энэ зээлийн хүүг бууруулж, “Оюутолгой” компани Монгол Улсын ашиг хүртэх хугацааг наашлуулах зарчмын шийдэлд хүрлээ. “Тавантолгой”, “Оюутолгой”-д эрчим хүч авах асуудал маргаантай байсан. Цахилгаан станцыг дотоодоосоо авч, Тавантолгойд барих зарчмын шийдэлд хүрлээ. Мөн татварын асуудлаар ахицтай яриа хэлэлцээ хийж, 35 сая ам.долларыг төлүүлэхээр тохирлоо гэлээ. Тэрбээр мэдээлэл хийснийхээ дараа сэтгүүлчдийн асуултад хариулав.
Н.Энх
Уншиж байна |