Монгол Улсын Ерөнхийлөгч Халтмаагийн Баттулга найрсаг харилцаатай байдаг Хойд Солонгосын удирдагч Ким Чен Уныг эх орондоо айлчлахыг урьсан талаар “www3.nhk.or.jp” сайт мэдээллээ.
Ерөнхийлөгч Х.Баттулга Хойд Солонгос улс үүсгэн байгуулагдсаны 70 жилийн ойд зориулан, Пхеньян руу баярын цахилгаан явуулсан аж.
Монгол-Хойд Солонгосын экс удирдагчид дипломат харилцаа амжилттай тогтоож, найрсаг харилцаа бат үргэлжиж буйг Ерөнхийлөгч Х.Баттулга баярын цахилгаандаа онцолжээ.
Тэрбээр “Хоёр улсын харилцан ашигтай харилцаа, ашиг сонирхол, бүс нутгийн энхтайван, тогтвортой байдал цаашид үргэлжилнэ гэдэгт итгэж байна” гэж мэдэгдлээ.
Монголын эрх баригчид удирдагч Ким Чен Уныг эх орондоо хүлээн авах туйлын сонирхолтой буй юм.
Ким Чен Ун ирэх сарын 9-нд АНУ-д зохион байгуулагдах завсарын сонгуулийн дараа тус улсын Ерөнхийлөгч Дональд Трамптай хоёр дахь удаагаа уулзана. ТРАМП-КИМ нарын анхны уулзалт өнгөрөгч зургаадугаар сард Сингапурт зохион байгуулагдсан билээ.
Харин Ким Чен Ун энэ оны сүүлээр ОХУ-д дээд хэмжээний айлчлал хийнэ.
Б.Дэлгэрцэцэг
Уншиж байна |