УИХ бүрэн эрхээ хэрэгжүүлэх боломжгүй гэж үзэн Ерөнхийлөгч тараах саналыг хүргүүллээ
2018-10-29

Монгол Улсын Ерөнхийлөгч Х.Баттулга Монгол Улсын Үндсэн хууль Монгол Улсын Ерөнхийлөгчийн тухай хуулийн холбогдох заалтад заасан бүрэн эрхийнхээ дагуу Улсын Их Хурал бүрэн эрхээ хэрэгжүүлэх боломжгүй гэж үзэж өөрөө тарах шийдвэр гаргахыг Улсын Их Хуралд санал болгох тухай асуудлыг зөвшилцөх тухай албан бичгийг өнөөдөр (2018.10.29) Улсын Их Хурлын дарга М.Энхболдод өргөн барив.

 

    Уг албан бичигт Монгол Улсын Их Хурлын 2016 оны ээлжит сонгуулиар Монголын ард түмэн “иргэдээ ядуурлаас аварч, эдийн засгаа хямралаас гаргаж, эх орноо өрнөөс салгаж, төрийн дампуурлыг засаж” тэгш журамт, баян хүчирхэг Монголыг цогцлоох тухай амалсан Монгол Ардын Намын мөрийн хөтөлбөрийг дэмжин итгэл хүлээлгэж, төрийн эрхийг барих үнэмлэхүй боломжийг олгосон. Харамсалтай нь 2016 оны сонгуулийн үр дүнд бүрэлдсэн Улсын Их Хурал болон түүнээс байгуулсан Засгийн газрууд ард түмэнтэй байгуулсан гэрээгээ үл харгалзах, эсрэгээр хэрэгжүүлэх, хууль ёс, журмыг бүдүүлгээр зөрчих, төрийн эрх мэдлийг дур зорго мэт ойлгож авирлах байдалд бүрэн автаж, хэмжээ хязгаарыг давлаа хэмээн дурджээ.

    Монгол Улсын Үндсэн хуулийн Хорин хоёрдугаар зүйлийн 2 дахь хэсэгт “Улсын Их Хурал бүрэн эрхээ хэрэгжүүлэх боломжгүй гэж нийт гишүүний гуравны хоёроос доошгүй нь үзсэнээр буюу эсхүл мөнхүү шалтгаанаар Ерөнхийлөгч Улсын Их Хурлын даргатай зөвшилцөн санал болгосноор өөрөө тарах шийдвэр гаргаж болно”, Монгол Улсын Ерөнхийлөгчийн тухай хуулийн 12 дугаар зүйлийн 11 дэх хэсэгт “Улсын Их Хурал бүрэн эрхээ хэрэгжүүлэх боломжгүй гэж үзэж өөрөө тарах шийдвэр гаргахыг Улсын Их Хуралд санал болгох тухайгаа зөвшилцөхөөр Улсын Их Хурлын даргад албан ёсоор мэдэгдэнэ. Улсын Их Хурлын дарга уул саналыг зөвшөөрөөгүй нь Ерөнхийлөгч саналаа Улсын Их Хуралд оруулахад саад болохгүй” гэж тус тус заасан.

 

    Иймд Улсын Их Хурал бүрэн хэрэгжүүлэх боломжгүй гэж үзэж өөрөө тарах шийдвэр гаргахыг Улсын Их Хуралд санал болгох тухай асуудлыг зөвшилцөхөөр хүргүүлж байна хэмээн дурдсан байна.

 

Зөвшилцөх тухай саналыг өргөн барихад Улсын Их Хурлын Тамгын газрын Ерөнхий нарийн бичгийн дарга Ц.Цолмон, Ерөнхийлөгчийн Тамгын газрын дарга З.Энхболд нар байлцлаа гэж Улсын Их Хурлын Хэвлэл мэдээлэл, олон нийттэй харилцах хэлтэс мэдээлэв.

 
 
 

 

Shuud.mn
Сонин хачин
иргэн:
Төрд гарсан луйварчидыг нийгмийн тогтолцоонд өөрчлөл хийж байж ард иргэдийн амьдрал дээшлэнэ.Монголчуудын 90-хувь нь ямар ба нэг зээлээр амь зууж байгаа юу үнэн энэ үнэн эдийн засаг өслөө гээд ард түмэнд ямарч наалдац байхгүйг бүгд л бичиж мэдэж байгаа.Ерөнхийлөгчийг эсэргүйцэж байгаа нөхдүүд хулгайч,луйварчидын бөгсний баас долоодог долдойнууд шүү.
2018-10-30
зочин:
Одоо л нэг эдийн засаг сэргэж, нэг төсөвтэй болж, олон улс эргэн харж, түүхэн том бүтээн байгуулалтууд эхэлж, бага боловч цалин хөлс, тэтгэвэр тэтгэмж нэмэгдэж байгаа нь энэ боловсролгүй, хорлон сүйтгэгч АН-ынханд таалагдахгүй бна л даа, 2012-оос 2016 онд хийсэн ажлаа үргэлжлүүлэн сүйтгэх бодлого явуулж байна. УИХ тарлаа гэхэд асар их зардал хохирол л амсана,,,үүнийг ард түмэн л амсана шүү дээ,
2018-10-30
Ар түмэн:
мангар ерөнхийлөгч боловсролгүй сөөнгө
2018-10-30
хамгийн хулгайч, мафижсан еөөк
2018-10-30
Хамгийн хамгийн мулгуу их хурал
2018-10-30
хамгийн хулгайч, мафижсан еөөк