ХХААХҮ-ийн сайд Б.Батзоригийн бүрэн эрхийг түдгэлзүүлэх санал прокурорын байгууллагаас иржээ. Түүний УИХ-ын гишүүний бүрэн эрхийг түдгэлзүүлэх санал УИХ-ын даргад өнөөдөр ирсэн байна. Уг асуудлыг МАН-ын бүлэг өнөөдрийн хуралдаанаараа хэлэлцэх аж. Хуулийн дагуу прокурорын саналыг 48 цагийн дотор хэлэлцэн шийдвэрлэх ёстой юм.
Б.Батзориг нь ХХААХҮ-ийн сайдыг ажил үүргийг өөрийн хүсэлтээр өгөхөө мэдэгдээд буй. Тэрбээр Жижиг, дунд үйлдвэрийг хөгжүүлэх сангаас өөрийн хамаарал бүхий компанид болон УИХ-ын гишүүдэд их хэмжээний зээл олгосон асуудал сөхөгдөж, албан тушаалаа өгөхөө мэдэгдсэн юм.
Жижиг, дунд үйлдвэрийг хөгжүүлэх сангийн зээлийн асуудлыг авлига, албан тушаалын гэмт хэрэг байж болзошгүй хэмээн АТГ-аас шалгаж буй.
Б.Учрал
Уншиж байна |