Израйль, Сирийн эрх баригчдад хандан анхааруулга хүргүүлсэн талаар "Ройтерс" агентлаг мэдээллээ.
Израйлдий тал Сирийн газар-агаар ангиллын "С-300" системүүдэд цохилт өгч, тус улсын армид нөхөж барахгүй гарз хохирол учруулна гэж сүрдүүлжээ.
Энэ талаар Иерусалим болон хүрээлэн буй орчин, соёлын өвийг хамгаалах асуудал эрхэлсэн сайд бөгөөд Орос- Израилийн засгийн газар хоорондын комиссыг хамтран даргалж буй Зеэв Элькин мэдэгдэж, "Москвагийн эрх баригчид Сирид "С-300" систем нийлүүлсэн нь алдаа байсан. Тэд тун удахгүй алдаа хийсэн гэдгээ хүлээн зөвшөөрөх болно. Энэ бүхэн цаг хугацааны асуудал" гэж хэллээ.
ОХУ-ын “Ил-20” тагнуулын нисэх онгоц пуужинд оногдож сүйрсэнтэй холбогдуулан ОХУ, Сири рүү агаарын довтолгооноос хамгаалах пуужингийн систем илгээх шийдвэр гаргасан юм. Нисэх онгоц сүйрэх үеэр ОХУ-ын цэргийн 15 албан хаагч амиа алдсан билээ.
Б.Дэлгэрцэцэг
Уншиж байна |