Ерөнхийлөгчийн хоригийг хэлэлцсэн байнгын хорооны өчигдрийн хуралдааны үеэр ХЗДХ-ийн сайд Ц.Нямдорж, Ерөнхийлөгчийн Тамгын газрын дарга З.Энхболдыг "загнаж", нэлээн ширүүн дуугарсан. "... Чи УИХ-ын дарга байхдаа Монголын эдийн засгийг хорлоогүй юу. Ерөнхийлөгч, УИХ, Засгийн газрын хооронд яс хаядгаа хэзээ зогсоохы, чи. УИХ-ын гишүүдийг өрөөндөө дуудаж аваачаад төсөв ярьдаг хэн бэ?" хэмээн зандарсан.
Үүний хариуг З.Энхболд өнөөдөр барилаа. Тэрбээр zarig.mn сайтад өгсөн ярилцлагынхаа үеэр Ц.Нямдоржийг зөнөсөн хэмээн тодорхойллоо. З.Энхболд "Нямдорж сайд бол үнэхээр зөнөсөн. Таван удаа Хуульзүйн сайд хийж байна. 1998 онд болсон С.Зоригийн хэргийг одоо болтол шийдэж чадаагүй. Тэрний өмнө найман жил прокурорт ажилласан. Насаараа хуульзүйн байгууллагад ажиллачихаад ганцхан эрүүгийн хэргийг шийдэж чадахгүй байна. Ийм хүнийг уймраа, зөнөсөн гэхгүй юу гэж хэлэх юм" хэмээн ярьжээ.
Б.Учрал