УИХ дахь МАН-ын бүлгийн хуралдаан өндөрлөлөө. Хуралдаанаар Засгийн газрыг огцруулах асуудлыг хэлэлцсэн байна. Өнөөдөр МАН-ын Удирдах зөвлөл хуралдаж, Засгийн газрыг тогтвортой ажиллуулах үүргийг УИХ дахь МАН-ын бүлэгтээ өгсөн. УИХ-ын нэр бүхий 35 гишүүн Засгийн газрыг тогтвортой ажиллуулахыг дэмжиж, гарын үсэг зурж, мэдэгдэл гаргаад байгаа.
УИХ дахь МАН-ын бүлгийн хуралдаанд 35 гишүүн оролцож, дээрх асуудлыг хэлэлцэн, Засгийн газрыг огцруулахгүй байхыг дэмжсэн шийдвэр гаргасан талаар УИХ дахь МАН-ын бүлгийн дарга Д.Тогтохсүрэн мэдээллээ.
Харин Ерөнхий сайдыг огцруулах бичигт гарын үсэг зурсан нэр бүхий 27 гишүүн бүлгийн хуралдаандаа оролцоогүй байна. Тиймээс бүлгийн шийдвэрийг хүчингүй гэж үзэж байгаагаа гишүүн Н.Номтойбаяр мэдээлэв.
Н.Энх
Уншиж байна |