Ерөнхий сайд У.Хүрэлсүх Үндсэн хуулийн цэцэд хандлаа. Тэрбээр УИХ-ын дарга М.Энхболдыг Үндсэн хуулийн зүйл заалтыг зөрчсөн эсэхийг тодруулахаар цэцэд хандсан байна. Мөн түүнийг огцруулах үндэслэл байгаа эсэхийг тодруулахыг хүсчээ.
Ерөнхий сайдын хүсэлтэд төрийн албыг наймаалцсан 60 тэрбумын хэргийн үнэн мөнийг тогтооход УИХ-ын дарга М.Энхболд саад учруулж байна. УИХ-ын даргын энэ үйлдэл нь Үндсэн хуулийн холбогдох зүйл заалтыг зөрчсөн эсэхийг хэлэлцэж, дүгнэлт гаргаж өгөхийг хүссэн байна.
Тэрбээр энэ тухайгаа "Эрхэм цэцийн гишүүд ээ. Үндсэн хууль зөрчсөн эсэх эцсийн шийдвэрийг та бүхэн гаргана. Цэцийн дээр хөх тэнгэр бий гэж ярьдаг. Та бүхний дээр эрх мэдэлтэн биш зөвхөн үндсэн хууль бий. Шударга ёсыг ард түмэн хүсэж байна" хэмээн цахим хуудсанаа бичжээ.
Б.Учрал
Уншиж байна |