Францын Тамгын газарт ажилладаг Бенуа Кеннед гэгчийг энэ долоо хоногийн эхээр хуулийнхан баривчилсан юм.
Түүнийг Хойд Солонгосын заавраар тагнуул хийж, улсын нууцын зэрэглэлтэй материал цуглуулсан хэмээжээ. Тагнуулынхан Бенуа Кеннедийг өнгөрөгч гуравдугаар сараас мөрдөж байсан гэнэ.
"Бенуа Кеннедийн эсрэг эрүүгийн хэрэг үүсгэж, шалгаж байгаа. Хэрвээ тэр буруутай нь тогтоогдож, бусдын эрх ашгийн төлөө мэдээлэл цуглуулж, тагнуул хийсэн нь тогтоогдвол хамгийн багадаа 10 жилийн ял сонсох болно" гэж албаныхан мэдэгджээ.
Тагнуул хэмээгдээд буй Бенуа Кеннед бол Франц-Хойд Солонгосын хамтын нийгэмлэгийн тэргүүн аж. Тэрбээр өнгөрсөн 2013 онд Хойд Солонгосын талаарх "Economy: Birth of New Asian Dragon" гэх ном бичиж байжээ.
Сенатын Ерөнхийлөгч Жерард Ларчер "Хэрвээ энэ бүхэн үнэн бол үнэхээр ноцтой асуудал" гэж мэдэгдсэн аж.
Б.Дэлгэрцэцэг
Уншиж байна |