АН-аас Засгийн газрыг огцруулахыг дэмжих намынхаа шийдвэрийг зөрчсөн үндэслэлээр УИХ-ын гишүүн Л.Болд, Д.Мурат нарыг ирэх сонгуульд нэр дэвших эрхийг хассан. Үүнтэй холбогдуулан гишүүн Л.Болд УИХ дахь АН-ын бүлгээс гарахаа мэдэгдэж хүсэлтээ хүргүүлсэн.
Харин өнөөдөр тэрбээр "Би УИХ дахь АН-ын бүлгээс гарах хүсэлтээ хуулийн заалтад үндэслэн хүргүүлсэн. Гэтэл миний хүсэлтийг Дээд шүүх рүү явуулж цаг хожиж байна. Мөн УИХ-ын дарга руу явуулахгүй гэсэн. Тиймээс би АН-аас гарах өргөдлөө өнөөдөр өгнө. Эхлээд би АН-д хамааралгүй гэдгээ батална" хэмээв.
УИХ-ын гишүүн Л.Болд намаасаа татгалзах өргөдлөө өнөөдөр АН-ын дарга С.Эрдэнэ болон УИХ-ын дарга М.Энхболдод өгөх гэнэ. Ингэсээр УИХ дахь АН-ын бүлэг долоон гишүүнтэй болж, хуулиар бүлэггүй болох нөхцөл үүсч байна.
Н.Энх