-Ор хангалттай байгаа тул эмнэлгүүд ханиадтай хүүхдийг шалан дээр хэвтүүлэхээ больсон-

Эрүүл мэндийн яам, Нийслэлийн эрүүл мэндийн газраас томуу, томуу төст өвчний нөхцөл байдлын талаар мэдээлэл /2018.12.05/ хийлээ.

Томуугийн улирал дөрвөн сар хүртэл үргэлжилдэг. Энэ жил Засгийн газрын захиалгаар 45 мянган хүн тун вакцин, АНУ-ын тусламжаар 88 мянган хүн тун вакцин, нийтдээ 125 мянган хүн тун вакцин захиалж, хүлээн авсан. Томуугийн вакцинжуулалтын хувь 96-д хүрсэн байна. Энэ жил амьсгалын замын вирус буюу томуу төст өвчний шинж тэмдэг илэрч буй ч томуугийн жинхэнэ вирус илрээгүй байгааг ХӨСҮТ-ийн захирал Д.Нямхүү хэллээ.

Жил бүрийн аравдугаар сараас дөрөвдүгээр сарын хугацаанд бага насны хүүхдийн өвчлөл нэмэгдэж эрүүл мэндийн байгууллагад хандаж тусламж үйлчигээ авах ачаалал нэмэгддэг. Ачааллыг бууруулах зорилгоор Нийслэлийн эмнэлгүүдэд хэвийн үед ажилладаг 977 орон дээр нэмж 356 орж нэмж үндснэдээ 856 орыг нэмэлтээр хүүхдийн тусламж үйлчилгээнд ашиглахаар бэлдээд байгаа аж. Одоогоор нийслэлийн хэмжээнд 1311 хүүхэд томуу, томуу төст өвчний оноштойгор хэвтэн эмчлүүлж байна. Нийслэлийн эрүүл мэндийн төвүүдэд 1827 ор бэлдсэн бөгөөд цаашид өвчлөл нэмэгдэхэд 500 орчим ор бэлэн байгааг Нийслэлийн эрүүл мэндийн газрын дарга Л.Төмөрбаатар хэллээ.

Тэрбээр Монгол Улсын хувьд жил бүрийн 10-5 дугаар сард хүүхдийн орны ачааллын тоо 70-80 хувьтай байдаг. Зарим ор чөлөөтэй байдаг гэсэн үг. Хамгийн хүндрэлтэй үе 10-4 сар. Энэ хугацаанд зохих арга хэмжээг авч, амьсгалын замын өвчнөөр өвчилсөн хүүхдэд тусламж үйлчилгээ үзүүлж ажилладаг. Одоогоос хоёр гурван жилййн өмнө үнэхээр хүнд байсан. Хүүхдүүдээ шалан дээр хүлээн авч байсан Одоо бол хангалттай нөөцтэй байгаа. Хэрэв ханиад, томуу хүрээд эрүүл мэндийн байгууллагад хандсан хүүхдийг шалан дээр хэвтүүлж тусламж үзүүлсэн бол тухайн эмнэлгийн байгууллагын дарга хариуцлага хүлээх ёстой. Нийслэлийн эрүүл мэндийн газрууд хангалттай бэлтгэл хангасан. Хэрэв шалан дээр тусламж үзүүлвэл тухайн эрүүл мэндийн байгууллагын даргад хариуцлага тооцно” гэв.

Нийслэлийн хэмжээнд амбулаторын 64350 хийгдсэнээс томуу томуу төст өвчтэй 2811 тохиолдол бүртгэгдсэн байна. Энэ нь нийт үзлэгийн 4.4 хувь буюу өнгөрсөн онтой харьцуулахад харьцангуй бага үзүүлэлт аж. Нийт өвчлөгсдийн 41.6 хувийг 0-5 насны хүхдүүд, 25.4 хувийг 2-5 нас, 13.8 хувийг 5-9 насны хүүхдүүд  эзэлж байна.

Г.Сүрэн