Ерөнхийлөгч Ерөнхий хяналтын сонсгол явуулах бичгийг УИХ-д хүргүүлэв
2018-12-10

 

Монгол Улсын Ерөнхийлөгч Х.Баттулга өнөөдөр Ерөнхий хяналтын сонсгол явуулах тухай албан бичгийг Монгол Улсын Их хурлын дарга М.Энхболдод хүргүүллээ. АЛБАН БИЧИГТ:

 

Төрийн эрх барьж буй Монгол Ардын Намын удирдлага, гишүүдийн дотоод зөрчил, тэмцлээс улбаатай хямрал даамжирч, төрийн үйл ажиллагааг цалгардуулан доголдуулж байгаагаас шийдэл хүлээсэн олон ажил гацаанд орж, улс орон ард иргэдийн амьдралд хүндрэл учруулахуйц нөхцөл байдалд хүрч мэдэхээр болсон тул талцал, хуваагдлаа нэн даруй зогсоож, хэрүүл тэмцлээ дуусган, хуулиар хүлээсэн үүрэгт ажилдаа яаралтай орж, хариуцлагатай, үр бүтээлтэй ажиллах шаардлагатай байна.

 

Миний бие 2017 оны 12 дугаар сарын 28-ны өдөр Улсын Их Хуралд хандан, Үндэсний Аюулгүй байдлын зөвлөлөөс гарсан зөвлөмжийг анхаарч хэрэгжүүлэх, агаарын бохирдолтой “Онц байдал” зарлан, шийдвэртэй тэмцэхийг санал болгосон боловч Улсын Их Хурал “Агаарын бохирдлыг бууруулахтай холбогдуулан авах арга хэмжээний тухай” тогтоол баталж, холбогдох байгууллагуудад чиглэл өгсөн тухай хариу ирүүлсэн.

 

Эрүүл аюулгүй орчинд амьдрах иргэний эрхийг ноцтойгоор зөрчиж байгаа агаарын бохирдлын асуудлаар төрийн эрх бүхий байгууллагууд чамгүй олон шийдвэрийг гаргаж, татвар төлөгчдийн мөнгийг зарцуулсаар /2008-2016 оны хооронд 550 орчим тэрбум төгрөг зарцуулсан гэх тооцоо судалгаа байдаг/ ирсэн боловч бодит үр дүн, ахиц дэвшил мэдрэгддэггүй, гамшгийн нөхцөл байдал хэвээрээ, хор уршиг, хохирол нь улам нэмэгдэж, дордсоор байгаа бөгөөд үүнийг утаа, гамшгаар бизнес хийдэг хэсэг бүлэг этгээд, тэдгээрийг дэмжин өөгшүүлдэг төрийн байгууллага, албан тушаалтнуудын хариуцлагагүй үйл ажиллагаатай шууд холбон дүгнэж болохоор байна.

 

Иймд Нийтийн сонсголын тухай хуулийн 8 дугаар зүйлийн 8.1, 8.2 дахь хэсэг болон 8.2.1 дэх заалтыг үндэслэн агаарын бохирдлыг бууруулах чиглэлийн бодлого шийдвэр, хууль тогтоомжийг хэрэгжүүлэх үүрэгтэй байгууллага, албан тушаалтны үйл ажиллагаанд хяналт тавих, авч хэрэгжүүлсэн арга хэмжээ, түүнд төсөвлөгдсөн хөрөнгийн зарцуулалт, үр дүнг тодруулах зорилгоор ерөнхий хяналтын сонсгол явуулах хүсэлт гаргаж байна.

 

Нийтийн сонсголын тухай хуулийн 8 дугаар зүйлд Монгол Улсын Ерөнхийлөгч хүсэлт гаргасан тохиолдолд ерөнхий хяналтын сонсголыг заавал явуулна гэж заасан тул холбогдох арга хэмжээг нэн даруй авч ажиллахыг хүсье” гэжээ.

Эх сурвалж:president.mn

Shuud.mn
Сонин хачин
Зөвлөх:
Н.Алтанхуяг нар хэрхэн Цэвэр агаар сангийн хөрөнгийг луйвардаж идсэнийг бас сонсоорой доо
2018-12-11
үхсэн хойноо энэ пяхлуу, утааны эсрэг гэсэн нэрийн доор Төв аймгийн сэргэлэн сумын нутаг дэвсгэрт ХУВИЙНХАА майдар ТӨСӨЛДӨӨ зориулж авсан 15 000 га газрыг яаж аятахаан зарах, тэр газарт нь давхцалтай байгаа газруудын нөхөн төлбөрт шаардлагатай байгаа 20 тэрбум төгрөгийг яаж УЛСЫН ТӨСВӨӨС гаргуулах,мөн УЛСЫН ТӨСВӨӨР яаж нэг дэд бүтэц татуулахаа л бодож байгаа байх.
2018-12-11
иргэн:
Ерөнхийлөгчөө дээд шүүхийн ерөнхий шүүгчээ солиочээ.Бас барьцаатай юм уу.
2018-12-10
Бух сангуудыг шалгаж ур дунг ил тод мэдээлж байх хэрэгтэй ард тумний татварын менгенд хяналт байх хэрэгтэй
2018-12-10
Иргэн:
Үүнд ганцхан ЗГ хариуцлага рүлээх ёстойшдээ?! Яагаад гэвэл агаарын бохирдлыг бууруулах бүх зардлыг Ялтанхуягын ЗГ-ын үед өөртөө төвлөрүүлсэн?! Нийслэлд яиарч эрх мэдэл хөрөнгө мөнгө гаргах зөвшөөрөл олгож байгаагүй ээ!! Үүнийг Хүралсүхийн ЗГ үргэлжлүүлэн захиран зарцуулж байгаа?'
2018-12-10
Иргэн:
Үүнд ганцхан ЗГ хариуцлага рүлээх ёстойшдээ?! Яагаад гэвэл агаарын бохирдлыг бууруулах бүх зардлыг Ялтанхуягын ЗГ-ын үед өөртөө төвлөрүүлсэн?! Нийслэлд яиарч эрх мэдэл хөрөнгө мөнгө гаргах зөвшөөрөл олгож байгаагүй ээ!! Үүнийг Хүралсүхийн ЗГ үргэлжлүүлэн захиран зарцуулж байгаа?'
2018-12-10