АТГ-ын дэргэдэх Олон нийтийн зөвлөлөөс Үндэсний мэдээллийн төвд хэвлэлийн бага хурал хийлээ. Тэд энэ удаа АТГ айдасын хонгил болсон, тэр хонгилын түлхүүр тус газрын дарга Х.Энхжаргалын гарт байдаг. Харин Х.Энхжаргал нь УИХ-ын дарга М.Энхболдын мэдэлд байна гэсэн сэдвээр мэдээлэл өгөв.
Ингэхдээ тэд 60 тэрбумын хэргийг сэргээн шалгаж эхэлсэн мэдээллийг өглөө. Тус хэргийг өнгөрсөн наймдугаар сарын 1-нд хаасан. Гэвч Тагнуулын Ерөнхий газрын явуулсан тусгай ажиллагааны үр дүнд шинэ нотлох баримт гарч ирсэн учраас хэргийг сэргээн, дахин шалгаж эхэлсэн байна. Хуулийн байгууллагуудын хамтарсан ажлын хэсэг 60 тэрбумын хэрэгт УИХ-ын дарга М.Энхболд, нийслэлийн МАН-ын дарга асан Ц.Сандуй, түүний зөвлөх А.Ганбаатар нарыг шалгаж байгаа тухай мэдээллийг Олон нийтийн зөвлөлийн гишүүн Д.Пүрэвбаатар өглөө.