ЭХ-ний сайд Ц.Даваасүрэнгээс цаг үеийн асуудлаар зарим зүйлийг тодрууллаа.

-Ирэх оноос “Оюутолгой” компани манайхаас цахилгаан авна гэсэн. Хаанаас цахилгааны эх үүсвэрийг өгөх вэ?

-Энэ онд манай улс 118 Мвт-ын цахилгааны шинэ эх үүсвэртэй болсон. Ирэх жил мөн 100 гаруй Мвт-ын шинэ эх үүсвэртэй болно. Тийм учраас бид ирэх жил “Оюутолгой”-д боломжийнхоо хэмжээгээр цахилгаан эх үүсвэр нийлүүлнэ.

-Хаана хаана цахилгааны эх үүсвэрийг бий болгох вэ?

-“Эрдэнэт-д 40 Мвт-ын шинэ эх үүсвэр ашиглалтад орно. “ТЭЦ-IV”-ийн шинэчлэлд 90 Мвт-ын эх үүсвэр ашиглалтад орно. Чойбалсанд 50 Мвт, Амгаланд ДЦС-д 50 Мвт, ТЭЦ-III мөн 75 Мвт-ын цахилгааны эх үүсвэрийг шинээр бий болгоно. Шинээр цахилгаан станц барина гэвэл 4-5 жил шаардана.

-Хичнээн айлд цахилгаан халаагуур тавьж болох вэ?

-40 мянган айл халуугуур залгах боломж бүрдсэн. Гэхдээ зарим айлын гэрийн цахилгааны хүчин чадал хүрэхээргүй юм билээ. Хашаандаа оюутан гэртэй нь буулгана. Тэр гэрийнх нь цахилгааны утас хүчин чадал муутай. Орлого багатай айл өөрийнхөө гэрийн цахилгааны утас, монтаж хүчин чадал муутай.

Таваншар, Дэнжийн-1000, Долоон буудал зэрэг айлууд халаагуур залгахад болно. Хүчин чадал хүрэлцэнэ.

Н.Энх