Дархан аварга Х.Баянмөнх, Б.Бат-Эрдэнэ нар сэтгүүлчдэд мэдээлэл хийж байна.
Дархан аварга Б.Бат-Эрдэнэ "Бөхийн холбооны маргаан 15 жил үргэлжиллээ. Монголын үндэсний бөхийн холбоо ээлжилт “Их эе” хурлыг 2018.03.24-нд хуралдуулж, намайг МҮБХ-ны ерөнхийлөгчөөр сонгож “ачаа” үүрүүлсэн. Шинэ бүтцээр байгуулагдсан дэд тэргүүн Магалжав, Сайнбаяр, Доржсамбуу, Рагчаа бид эв зүйгээ олох байр суурьтайгаар явж өнөөдрийг хүрсэн. Бөхийн өргөө хаалттай байгаа. Маргалдаад байгаа нөхдүүд олон нийтийн өмч хөрөнгийг эвдэж сүйтгэхгүй гэсэн бичиг гаргаж өгвөл цагдаагийн байгууллагаас хамгаалалтаа буулгах шаардлага тавьсан.
Тиймээс ахмад бөхчүүд болоод Монгол бөхийн хамгийн дээд амжилтыг үзүүлсэн хүмүүсийн хувьд бид хоёр гурван ч удаа уулзлаа. МҮОНТ-ээр халз ярилцлага ч хийсэн. Улмаар бөхийн үйл амьдралд тулгамдсан байдлаас гарахын тулд нэг алхам хийхийг зорьж бөхчүүдийн хамтран ажиллах түр зөвлөлийг байгуулсан. Энэ зөвлөл 6-7 хүний бүрэлдэхүүнтэй байгуулагдсан" гэв.
Уншиж байна |