УИХ-ын энэ оны отгон чуулган гишүүдийн ирц бүрдээгүйгээс хойшиллоо. Үүнтэй холбогдуулан УИХ-ын гишүүн Д.Хаянхярваагаас зарим зүйлийг тодруулав.
-Төрийг гацаанаас гаргах ямар гарц байна вэ?
-УИХ-ын даргыг огцруулах хуулийн таван үндэслэлтэй. Энэ асуудал хуулийн хүрээнд л явах ёстой. Сүүлийн 27 жилийн хууль бус үйлдэл ганцхан М.Энхболд гэдэг хүнээс хамааралтай гэж нийгэмд ярьж ойлгуулах гээд байгаа нь өрөөсгөл. Өнгөрсөн хугацаанд олон жил сонгогдсон, 4-5 удаа Хуульзүйн сайд хийсэн хүмүүс юу нь бүтэхгүй болохгүй байна гэдгийг мэдэж байж. Хуулийн дагуу шийдээд явъя гэхээр өөрсдөө УИХ-д оруулж ирэхгүй байна. Яагаад хуулийн дагуу шийдээд явах боломжоо ашиглахгүй байна вэ. Тэгэхээр энэ нь “шударга бусын хонгил” гэж яриад байгаа боловч цаана нь өөр зүйл яваад байна.
УИХ-ын дарга ажлаа өгч болохгүй юу?
УИХ-ын даргын өмнөөс би хариулах эрхгүй. УИХ-ын дарга хуулийн хүрээнд асуулаа шийднэ гэж байгаа. Түмэн олон мэргэн, ухаантай. Төрд болж байгаа үйл явдлыг тунгаах биз ээ.
Н.Энх