Бразилийн Ерөнхийлөгч Жаир Болсонару ард түмнийхээ өмнө тангарагаа өргөж, өнөөдрөөс үүрэгт ажилдаа ороод байна.

“Бразилийн Трамп”, “Ард түмний хүү”, “шударга ёсыг сахиулагч”, “эрх мэдэлдээ бялуурагчдыг хазаарлах армийн хүү” гэх тодотголтой тэрбээр өнгөрсөн онд болсон сонгуулиар нийт сонгогчдын 55.7 хувийн санал авч, ялалт байгуулсан юм.

Тангараг өргөх ёслолын үеэр өдгөө 63 настай Ерөнхийлөгч, гэргий Мишель Болсонаругийн хамтаар тусгайлан бэлдсэн автомашин сууцгааж, ард түмэнтэйгээ мэндчилсэн талаар “www.dailymail.co.uk” сайт мэдээллээ.

Тэрбээр экс Ерөнхийлөгч Мишел Темерийн нарийн бичгийн даргаар ажилладаг байжээ.

Бразилийн шинэ Тэргүүн хатагтай Мишель нөхрөөсөө 25 насаар буюу 38 настай аж.  Хос 2007 оны есдүгээр сард хуримаа хийжээ. Тэд дөрвөн хүү, нэг охинтой гэнэ.

 Б.Дэлгэрцэцэг