“ААН илгээгүй” төлөвтэй баримтаа устгаад дахин оруулаарай
1-4
Гэрэл зургийг MPA.mn

 

Нэмэгдсэн өртгийн албан татварын тухай хууль 2016 оны нэгдүгээр сарын 1-ний өдрөөс эхлэн хэрэгжиж эхэлсэн. Ингэснээр иргэд албан татвар суутган төлөгчөөс бараа, ажил, үйлчилгээ худалдан авсан тухай бүр худалдан авалтаа нотолсон төлбөрийн баримтыг цаасан эсхүл цахим хэлбэрээр авч “Ebarimt.mn” цахим сайтад бүртгүүлдэг болсон. Ингэснээр 200 сая төгрөг хүртэлх хонжвортой сугалаанд оролцох, оны эцэст худалдан авалт хийсэн үнийн дүнгийнхээ 2 хувийн буцаан олголтод хамрагдах боломж бүрдсэн билээ.

 

НӨАТ-ын 2018 оны буцаан олголтыг энэ сараас эхлэн иргэн, аж ахуй нэгжид олгоно. Ингэхийн тулд 2018 онд хийсэн худалдан авалтынхаа баримтыг 2019.01.08-ны өдрөөс өмнө бүртгүүлэхийг Татварын ерөнхий газраас сануулаад байгаа. НӨАТ-ын буцаалт олгох хугацаа дөхсөн энэ өдрүүдэд “Ebarimt.mn”-д бүртгүүлсэн баримтын ихэнхи нь “ААН илгээгүй” гэх тайлбартайгаар бүртгэгдэхгүй, буцаалт бодогдохгүй байгаад иргэд шүүмжлэлтэй хандаж байна.

 

Тухайлбал 2018 оны арванхоёрдугаар сарын сүүлийн өдрүүдэд бүртгүүлсэн ихэнхи баримт “ААН илгээгүй” гэсэн төлөвтэй байгааг учирлаж, ААН-үүд татвараас зайлсхийх оролдлого хийж байна хэмээн шүүмжилж байна.

 

Тэгвэл ААН илгээгээгүй төлөв нэлээд олон шалтгаантай аж.

 

Нэгдүгээрт, үнэхээр тухайн аж ахуйн нэгж нь баримтаа нэгдсэн системд илгээгээгүй байдаг. Хэрэглэгч тухайн бараа бүтээгдэхүүний баримтыг 72 цагийн дотор QR кодоор уншуулахад бүртгэгдлээ гэж гарч ирсэн ч  "ААН илгээгээгүй" төлөвтэй байвал тухайн бай­гуул­лага мэдээллээ ирүү­лээгүй байна гэсэн үг.

 

Хоёрдугаарт, QR код уншигдах боломжгүй баримтыг гараар шивж оруулдаг. Гараар шивж оруулахад сугалааны эхний хоёр үсгийг буруу оруулах, арын найман орныг буруу бичсэн тохиолдолд "ААН илгээгээгүй" гэсэн төлөвт ордог байна.

 

Гуравдугаарт, Баримтаа бүртгүүлсэн мөртлөө бараагаа буцаачихдаг. Энэ тохиолдолд татвар төлөгч бизнес эрхлэгч барааг буцаасан гэдэг үүднээс буцаалтаар тэм­дэг­лэ­дэг. Үүнээс шалтгаа­лан баримт дээр нь ААН илгээгээгүй гэсэн төлөв үүсдэг. Тэгэхээр ААН илгээ­гээ­гүй гэсэн төлөвтэй барим­тыг нэгдүгээрт ebаrimt.mn сайтад сугалааны дугаараар шалгах, дахин давтагдашгүй төлбөрийн дугаараар /ДДТД/ шалгах гэсэн сонголтоос баримт тань байвал дахин дав­­таг­­даш­­гүй төлбөрийн дугаа­­раар оруулаад тухайн баримт маань илгээгдсэн, илгээгдээгүй гэсэн төлөв гарч ирдэг. Илгээгдсэн байвал таны баримт автоматаар уншигдаад бүртгэгдэнэ.

 

Сугалааны дугаар буруу байвал "ААН илгээгээгүй гэсэн төлөвөө" устгаад дахин төлбөрийн баримтаа оруулж болно гэсэн үг. Заавал дахин давтагдашгүй төлбөрийн дугаар буюу 35 оронтой тоог нь үнийн дүнтэй хамт хийснээр уг баримт засагдана. Түүнчлэн өмнөх сарын сугалааны дугаарыг нөхөж өгсөн тохиолдолд CI00000000 дугаартай баримт өгдөг.

 

Уг баримтыг авсан тохиолдолд заавал дахин давтагдашгүй төлбөрийн дугаар болон үнийн дүнгээр бүртгүүлснээр баталгаажна. Тэгэхгүй бол QR код болон сугалааны дугаараар бүртгүүлсэн тохиолдолд ААН илгээгээгүй гэсэн төлөв гарч ирдэг болохыг Татварын ерөнхий газрын мэргэжилтэн зөвлөлөө.

 

Г.Сүрэн

Shuud.mn
Сонин хачин
Энхболдыг огцоруулах хууль санаачлах нь Үндсэн хуульд дордохын 7 заалт оруулсантай нэгэн адил маш их урхаг хор уршигтай. Энхболдын дараах УИХ-ын олон олон дарга нар хурдан хурдан огцорч УИХ-ын үйл ажилллгаа улам улам гацах болно. Ийм хууль санаачилж байгаа этгээдүүд бол мөн чанартаа Монгол төрийн эсрэг гэмт хэрэг үйлдэж байгаа гэмт этгээдүүд юм.
2019-01-06
ккк:
аж ахуйэ нэжг илгээгээгүй гээд б.а 18 оныхыг 2,3-нд шивэхэд 19 онд бүргэгдээд б.а аа наад аж ахуйн нэгжүүдээ шаардаач ээ
2019-01-04
худлаа:
программ нь алдаатай байна. бүх баримт аан илгээгээгүй гэж байна. 2018 оны баримтыг 2019 он дээр бүртгэчихээд аан илгээгээгүй гээд байна даа.
2019-01-04
Ха ха:
3 Дахин оруулж байж зөв бүртгэгдсэн
зочин.:
90 хувь нь нэгдүгээр шалтгаанаас болж байна. Тухайлбал Сод Монгол байна. Мөн их үнийн дүнтэй бараа бүтээгдэхүүн дээр аж ахуйн нэгж нь ихэвчлэн илгээдэггүй.
2019-01-04
Зочин:
bain bain oruulah gej tovogtei ymaa sugalaa boglono gej
2019-01-04
Зочин:
Дорноговь аймгийн марал шанд. Гэрэлт шанд дэлгүүрүүд заавал нэхүүлж байж баримт өгдөг тэгээд өгсөн баримтыг нь бүртгүүлэхээр аан илгээгээгүй бдаг гурав хоноод устгаад ахиад бүртгүүлэхэд мөн л илгээгээгүй бдаг
2019-01-04