Улаанбаатар
Маколей Калкин: Би од байхаас залхсан учир кино урлагаас явсан
10 өдөр

“Гэртээ ганцаараа” цувралын од Маколей Калкин өчигдөр “ELLEN” шоунд уригдаж, ярилцлага өгчээ. Энэхүү ярилцлагыг хүргэж байна.

 

 

-Чи тийм ч их хэвлэлд ярилцлага өгдөггүй.

 

-Тийм ээ. Би бараг ярилцлага өгдөггүй. Таван жилийн өмнө л нэг удаа ярилцлага өгч байсан. Тэрнээс хойш ярилцлага өгөөгүй байхаа.

 

-Гэхдээ хэвлэлийнхэн байнга л залгаж, ярилцлага өгөхийг урьдаг байсан биз?

 

-Тийм шүү. Тэднээс болж хэд хэдэн дугаараа солиход хүрсэн. Хаанаас ч юм бэ тэд миний дугаарыг мэдчихдэг. Би их гайхдаг.

 

-Чиний гадаад төрх давгүй харагдаж байна?

 

-Баярлалаа. Тантай анх удаагаа уулзаж байна. Миний сэтгэл их хөдөлж байна.

 

 

-Чи их чимээгүй амьдардаг боллоо. Хэрхэн аж төрж байна даа?

 

-Яахав чимээгүй байх нь илүү сайхан байна. Хэсэг хугацааг ганцаараа өнгөрүүлж үзлээ. Одоо нийгмийн амьдралд ордог юм уу.

 

-Чи ингэхэд хэдэн настай вэ?

 

-37 настай.

 

-Тийм гэж үү. Их залуухан харагдаж байна шүү.  Давгүй сайхан арьстай юм?

 

-Баярлалаа.

 

-Чи нэгэн цагт од байсан. Чиний бүтээсэн дүрүүд олон улсад ихээхэн амжилт олж, богинохон хугацаанд баяжсан.

 

-Миний хүүхэд насны амьдрал тун сайхан өнгөрсөн. Дахин хүүхэд нас руугаа очмоор санагддаг. Зул сарын баяр болохоор л би “Гэртээ ганцаараа” киногоо ганцаараа үздэг. Би одоо хүртэл тэр бяцхан залууг санаж, өнгөрсөн үеээ дурсдаг.

 

 

-Гэхдээ чи “Гэртээ ганцаараа” кинонд тоглосон үетэйгээ ижилхэн харагдаж байна. Яг л цаг хугацааг ухраасан мэт.

 

-Тийм ээ. Хүн яаж өөрийнхөө залуу үетэй адилхан харагдах юм бэ. Энэ бол хараал, адислал юм.

 

-Олны танил байх ямар давуу талтай вэ?

 

-Захиалга өгөөгүй мөртлөө зоогийн газраар үйлчлүүлэх. Чамайг орж ирсэн цагаас тэрхүү зоогийн газрыг орхих хүртэл бүгд чамайг харах. Мэдэхгүй энэ мэтээс өөр давуу тал гэж байхгүй байх.

 

-Захиалга өгөхгүйгээр зоогийн газраар үйлчлүүлэх ч том давуу тал шүү?

 

-Тийм.

 

-Тэгвэл олны танил байхаас залхдаг үеийн талаар?

 

-Бүгдийн өмнө амьдрах амаргүй. Гудамжаар явахад зургаа авахуулахыг хүссэн хүмүүсийн цуваа намайг залхаадаг. Би од байхаас залхсан учир кино урлагаас явсан. 

 

Б.Дэлгэрцэцэг

Shuud.mn
Сонин хачин
Chi har tamhichin uchraas chamaig hen ch kinond uriha bolison.kk
2019-01-07