УИХ-ын Халдашгүй байдлын дэд хороо хуралдлаа. Хуралдаанаар хэлэлцсэн асуудлын талаар Халдашгүй байдлын дэд хорооны дарга Ц.Нямдорж мэдээлэл хийлээ. Тэрбээр мэдээлэлдээ:
-Өчигдөр буюу нэгдүгээр сарын 8-ны 16.14 цагт Л.Энхболд, Д.Дамба-Очир, Г.Солтан, Б.Ундармаа нарын бүрэн эрхийг түдгэлзүүлэх саналыг Ерөнхий прокуророос ирүүлсэн.
Өнөөдөр гурван гишүүний тайлбарыг сонслоо. Г.Солтан гишүүн орон нутагт яваа юм байна. Г.Солтан гишүүн ирээгүй учир дэд хорооны хурлыг маргааш үргэлжлүүлэхээр боллоо. 48 цагийн дотор хэлэлцэж шийдвэрлэнэ. Маргааш Г.Солтан гишүүн ирсэн тохиолдолд хуралдааныг үргэлжлүүлнэ. Гишүүнээс өөрөөс нь зайлшгүй тайлбар авах ёстой хэмээгээд сэтгүүлчдийн асуултад хариулав.
-Бусад гурван гишүүний асуудлыг хэлэлцээд явж болохгүй юу?
-48 цаг гэдэгт дөрвөн гишүүний асуудал байгаа. Г.Солтан гишүүн маргааш ирнэ гэсэн мэдээлэл байна.
-Гишүүдийг ямар үндэслэлээр бүрэн эрхийг нь чөлөөлөх гэж байна вэ?
-Илүү асуултад хариулахгүй. Байгаа үед нь хэлэлцэнэ. Өнөөдөртөө ийм мэдээлэл өгье.
Н.Энх
| Уншиж байна |