ОХУ-ын хууль сахиулагчид өчигдөр Хойд Кавказаас сонгогдож, парламентын хамгийн залуу гишүүн гэгддэг Рауф Арашуковыг баривчилсан талаар "www.abc.net.au" сайт мэдээллээ.
Уг баривчилгаа парламентын ордонд болсон нь олныг гайхшруулжээ. Хуулийнхан чуулганы танхимд орж ирэх үед гишүүн суудлаасаа босч, зугтахыг санаархсан аж. Харин спикер "Рауф Арашуков та суудалдаа сууна уу" гэж тушаасны хүчинд баривчилгааны үеэр ямар нэгэн асуудал гараагүй гэнэ.
"Өдгөө 32 настай Арашуковыг аллага, авлига, сүрдүүлгийн хэрэгт сэжиглэж, баривчилсан" тухайгаа тус улсын Ерөнхий Прокурорын газраас мэдэгдэв.
2010 оны тавдугаар сард Карачай-Черкесст нэгэн гишүүн бусдын гарт амиа алдсан юм. Уг аллагын захиалагчийг Арашуков хэмээн сэжиглэж буй гэнэ.
Цагдаагийнхан өнгөрсөн оны наймдугаар сард дээрх хүн амины хэргийг үйлдсэн алуурчдын нэгийг амжилттай баривчилсан юм. Алуурчин мэдүүлгийнхээ үеэр "Рауф Арашуковыг аллагын захиалагч" хэмээн ярьсан аж. Уг мэдүүлгийн дараа хуулийнхан Арашуковыг шалгаж эхэлжээ.
Мөн гишүүнээс гадна өчигдөр түүний эцэг хийн бизнесийн магнат Раул Арашуковыг баривчилсан байна.
Б.Дэлгэрцэцэг
Уншиж байна |