20:40 цаг:

УИХ дахь МАН-ын бүлгийн хуралдаан өндөрлөлөө. Хуралдаанаар УИХ-ын даргад Г.Заншатарыг томилохыг тус бүлгийн гишүүдийн 100 хувийн саналаар дэмжсэн байна. УИХ дахь МАН-ын бүлгийн дарга Д.Тогтохсүрэн:

-МАН-ын бүлгийн ээлжит бус хурал хуралдаж дууслаа. Хуралдаанаар УИХ-ын даргад нэр дэвшүүлэх асуудлыг хэлэлцлээ. МАН-ын Удирдах зөвлөлөөс ЗГХЭГ-ын дарга Г.Занданшатарыг УИХ-ын даргад нэр дэвшүүлж оруулж ирсэн. Үүнийг МАН-ын бүлэг 100 хувийн саналаар дэмжиж, УИХ-ын чуулганаар оруулж хэлэлцүүлэх нь зүйтэй гэж шийдвэр гаргалаа. Бүлгийн гишүүдийн ирц 70 гаруй хувьтай байлаа. Маргааш Төрийн байгуулалтын байнгын хорооны хуралдаанаар хэлэлцэнэ хэмээлээ. Тэрбээр мэдээлэл хийснийхээ дараа сэтгүүлчдийн асуултад хариулав. 

-Бүлгийн гишүүдийн эв нэгдлийн асуудал яригдав уу?

-Бүлгийн хуралдааны уур амьсгал нааштай байлаа. Цаашдаа эв эеэ сахиад явъя гэж ойлголцлоо. Гишүүдээс бас санал гарсан. Цаашдаа шударга ёсыг тогтоох, байгалийн баялгийн тэгш хуваарилалтыг бий болгох, "Эрдэнэт"-ийн 49 хувийн асуудалд тодорхой ахиц дэвшил гаргах хэрэгтэй байна гэлээ. Мөн МАН мөрийн хөтөлбөрөө хэрэгжүүлж, УИХ-ын нэр хүндийг дээшлүүлэх шаардлагатай гэсэн саналууд гарсан. 

                                                           УИХ дахь МАН-ын бүлэг хуралдаж байна

19:50 цаг:

УИХ дахь МАН-ын бүлэг хуралдаж байна. Хуралдаанаар УИХ-ын даргыг томилох асуудлыг хэлэлцэх юм. МАН-ын Удирдах зөвлөл хуралдаж, ЗГХЭГ-ын дарга Г.Занданшатарыг УИХ-ын даргад нэр дэвшүүлэхээр шийдвэрлэсэн. 

Тиймээс Удирдах зөвлөлийн шийдвэрийг хэлэлцэж, байр сууриа нэгтгэж байна. 

Н.Энх